বিধানসভাৰ পৰৱৰ্তী অধ্যক্ষ বিশ্বজিৎ দৈমাৰী, উপাধ্যক্ষ ডাঃ নোমল মমিন; ৰঞ্জিত দাসৰ ঘোষণা

ৰাজ্যসভাৰ প্ৰাক্তন সাংসদ তথা বৰ্তমানৰ বিধায়ক বিশ্বজিৎ দৈমাৰী বিধান সভাৰ পৰৱৰ্তী অধ্যক্ষ।

ইয়াৰ লগতে বোকাজান সমষ্টিৰ বিধায়ক ডাঃ নোমল মমিনক বিধানসভাৰ উপাধ্যক্ষ হিচাপে মনোনীত কৰা হৈছে।

বিজেপিৰ ৰাজ্যিক সভাপতি ৰঞ্জিত কুমাৰ দাসে আজু আনুষ্ঠানিকভাৱে এই কথা ঘোষণা কৰে।
ৰাজ্যিক বিজেপিৰ বিষয়ববীয়া সভাত এই সিদ্ধান্ত লোৱা হৈছে বুলি তেওঁ জনায়।

ইপিনে, বিশ্বজিৎ দৈমাৰীয়ে টুইটাৰ যোগে কয় যে তেওঁ আজি অসম বিধানসভাৰ ২১সংখ্যক অধ্যক্ষ পদৰ বাবে মনোনয়ন দাখিল কৰিছে।

Today I have filed my nomination for the 21st speaker of the Assam Legislative Assembly.
Heartfelt gratitude to the respected @narendramodi Ji @AmitShah Ji @JPNadda Ji @PandaJay Ji @blsanthosh Ji @himantabiswa ji @DilipSaikia4Bjp ji @RanjeetkrDass Ji

— Biswajit Daimary (@BiswajitDaimar5) May 20, 2021

ৰাজ্যসভাৰ প্ৰাক্তন সাংসদ বিশ্বজিৎ দৈমাৰী তথা বিপিএফৰ প্ৰাক্তন নেতাগৰাকীয়ে এইবাৰ বিধানসভাৰ নিৰ্বাচনত পানেৰী সমষ্টিৰ পৰা বিজেপি প্ৰাৰ্থী হিচাপে প্ৰতিদ্বন্দ্বিতা কৰি বিজয়ী হৈছে।

আনহাতে, ডাঃ নোমল মমিনে বোকাজান সমষ্টিৰ পৰা একেৰাহে ২০২১৬ আৰু ২০২১ত দুবাৰকৈ বিজেপি বিধায়ক হিচাপে নিৰ্বাচিত হৈছে।