তামুলপুৰ মহকুমাৰ ভাৰত- ভুটান সীমান্তৰ অন্ঠাইবাৰীত বনৰীয়া হাতীৰ আক্ৰমণত এজন লোক নিহত নিহত হৈছে।
নিহত লোকজন হৈছে অন্ঠাইবাৰী গাঁওৰ ৫৫ বছৰীয়া কজে ওৱাৰী।
জানিব পৰা মতে শুকুৰবাৰে দিনৰ ভাগত ভূটান সীমান্তবৰ্তী গাৱঁখনত পাহাৰৰ পৰা ওলাই অহা এটা বনৰীয়া হাতীয়ে অকলশৰীয়া ভাৱে জংঘলৰ মাজত চলাফুৰা কৰি আছিল ৷
সেই সময়তে কজে ওৱাৰী নামৰ লোকজনে পাহাৰত থকা এটি জুৰিলৈ পানী আনিবলৈ গৈছিল।
তেনেতে বনৰীয়া হাতীটোৱে লোক জনক আক্ৰমণ কৰাত তেওঁ গুৰুতৰ ভাৱে আহত হয় ৷
দুপৰীয়াৰ সময়ত আক্ৰমণৰ খবৰ লাভ কৰি পৰিয়ালৰ লোকে স্থানীয় লোকৰ সহযোগত কজেক কুমাৰীকাটা চিকিৎসালয়লৈ লৈ যায় যদিও প্ৰাথমিক চিকিৎসা কৰাৰ অন্তত গুৰুতৰ ভাবে আহত কজেক সংকটজনক অৱস্থাত চিকিৎসকে গুৱাহাটীলৈ প্ৰেৰণ কৰে৷
কালি গুৱাহাটী চিকিৎসা মহাবিদ্যালয়ত ভৰ্তি কৰা হয় যদিও নিশা লোক জনৰ মৃত্যু হয়।
ইয়াৰ পিছতে গুৱাহাটী চিকিৎসা মহাবিদ্যালয়ত মৰণোত্তৰ পৰীক্ষাৰ দিহা কৰে।
আজি মৃতদেহ আহি পোৱাৰ পিছতহে শেষকৃত্য সম্পন্ন কৰিব অন্ঠাইবাৰী গাঁৱত।
