জেঠায়েকৰ পুত্ৰ আশীষে ই হত্যা কৰিছিল ডিম্পল কুমাৱটক।
আৰক্ষীৰ জেৰাত এই কথা স্বীকাৰ কৰিছে হত্যাত অভিযুক্ত আশীষ গুপ্তাই(১৬)।
ঘৰত থকা অৱস্থাত দুয়োৰে মাজত প্ৰথমে কাজিয়াৰ সূত্ৰপাত হৈছিল।
প্ৰথমে ডিম্পলে আশীষক থাপৰ মাৰিছিল আৰু তাৰ পৰিণতিত হত্যা কৰিলে ডিম্পলক।
আশীষে প্ৰেচাৰ কুকাৰ আৰু পটীগুটিৰে মৰিয়াই হত্যা ডিম্পলক কৰিছিল।
ইপিনে, ডিম্পলক হত্যা কৰি তাইৰ মোবাইলৰ ছিম কাৰ্ড ওচৰৰ কোনো লোকৰ ঘৰত পেলাই থৈ যায় আশীষে।
সূত্ৰ অনুসৰি পূৰ্বতে ড্ৰাগছ আসক্ত আছিল হত্যাৰ গোচৰত অভিযুক্ত আশীষ। কিছুদিন পূৰ্বে ড্ৰাগছ সেৱনৰ পৰা বিৰত থাকে বুলি জানিব পৰা গৈছে।
ইপিনে, কন্যাক হেৰুৱাই শোকত ম্ৰিয়মান হৈ পৰে ডিম্পলৰ মাতৃ। কেমেৰাৰ সন্মুখতে উচুপি উঠে একমাত্ৰ জীয়ৰী ডিম্পলৰ দুৰ্ভগীয়া মাতৃ।
আনহাতে, ফাষ্টট্ৰেক আদালতৰ জৰিয়তে হত্যাকাৰীক ফাঁচী দিয়াৰ দাবী জনায় ডিম্পলৰ ওচৰ চুবুৰীয়াই।
আজি ডিম্পলৰ ঘৰৰ সন্মুখত তথা লতাশিল থানাৰ সন্মুখত তেওঁলোকে প্ৰতিবাদ সাব্যস্ত কৰি বিজেপি চৰকাৰৰ দিনত নাৰী সুৰক্ষিত নহয় বুলিও গুৰুতৰ অভিযোগ তোলে।
উল্লেখযোগ্য যে, বুধবাৰে দিনৰ ১১-১২ বজাৰ ভিতৰত উজানবজাৰৰ ভাড়াঘৰত এই ঘটনা সংঘটিত হৈছিল।
ডিম্পলে ন্যায় পাওঁক তথা সমাজৰ পৰা অচিৰেই নাইকিয়া হওক নাৰীজনিত অপৰাধ।সেয়াই সকলোৰে আশা।
