অহা মাহৰ পৰা অৰ্থাৎ ১অক্টোবৰৰ পৰা মোবাইল ইউটিলিটি তথা আন বিলৰ ক্ষেত্ৰত ডেবিট কাৰ্ডৰ অটো পেমেন্টৰ নিয়মত পৰিৱৰ্তন হ’ব।
অহা মাহৰ পৰা ডেবিট, ক্ৰেডিট কাৰ্ড, ইউপিআই বা আন প্ৰিপেইড পেমেন্টৰ ক্ষেত্ৰত অতিৰিক্ত ফেক্টৰ অথেন্টিফিকেশ্যন আৰম্ভ হ’ব।
নতুন নিয়ম মতে অটো পেমেন্টৰ পূৰ্বে বেংকৰ পৰা গ্ৰাহকৰ অনুমতি লোৱা হ’ব। গ্ৰাহকে অনুমতি দিয়াৰ পাছতহে টকা কটা হ’ব।
প্ৰিপেইড ষ্ট্ৰিমিং চাৰ্ভিছ, এপ, ক্ৰেডিট এপ আদিৰ ক্ষেত্ৰত প্ৰতি মাহৰ আৰম্ভণিতেই একাউন্টৰ পৰা কাৰ্ডৰ জৰিয়তে টকা কাটি নিয়া হ’ব।
এতিয়াৰে পৰা সেই টকা কটাৰ পূৰ্বে গ্ৰাহকৰ অনুমতি লোৱা হ’ব। টকা কটাৰ পূৰ্বে গ্ৰাহকৰ ফোনলৈ ই-মেইল বা এছএমএছ আহিব।
Also read : চাঞ্চল্যকৰ খৱৰ! তালিবান নেতা বৰাদৰক বন্দী কৰি ৰাখিছে হাক্কানিয়ে; আখুন্দাজাদাৰ মৃত্যু হৈছে
গ্ৰাহকে সঁহাৰি দিলেহে পেমেন্ট হ’ব। আকৌ গ্ৰাহকে নিবিচাৰিলে পেমেন্ট বাতিলো কৰিব পাৰে।
এই অতিৰিক্ত পৰিসেৱাৰ বাবে অৱশ্যে বেংকক কোনো মাছুল দিব নালাগে।
