অসমত আজি কোভিড আক্ৰান্ত লোকৰ সংখ্যা কিমান, মৃত্যু হ’ল কিমান জনৰ?

অসমত আজিৰ দিনটোতো কোভিডত আক্ৰান্ত লোকৰ সংখ্যা ১ শতাংশৰ তলতে থকাৰ কথাই ক’ভিড পৰিস্থিতিৰ উন্নতি হোৱাৰ বিষয়টোকে প্ৰতীয়মান কৰিছে।

এক কথাত ক্ৰমাৎ সুস্থিৰ অৱস্থালৈ আহিছে ৰাজ্যৰ ক’ভিড পৰিস্থিতি। হ্ৰাস পাইছে ক’ভিড ৰোগীৰ সংখ্যা।

আজি ৰাজ্যত সৰ্বমুঠ ৬১,০৯২ টা ক’ভিড পৰীক্ষা সম্পন্ন কৰা হয় আৰু ইয়াৰে ৪০৬ গৰাকী ব্যক্তিৰ শৰীৰত ক’ভিড সংক্ৰমণ ধৰা পৰিছে।

অৱশ্যে ক’ভিড সংক্ৰমণৰ হাৰ আজিও ১ শতাংশৰ তলতেই আছে।
কামৰূপ মেট্ৰ’ত আজি ক’ভিডত আক্ৰান্ত লোকৰ সংখ্যা কিছু বাঢ়িছে। কামৰূপ মেট্ৰ’ত আজি ক’ভিডত আক্ৰান্ত হৈছে ১২২ গৰাকী লোক।

Summary of 24/9/2021

Today’s Total 406

Overall Positivity Percentage (406 cases out of 61,092 test done = 0.66%)

Kamrup(M) 122

Death 7

Recovery Rate 98.25%

— Himanta Biswa Sarma (@himantabiswa) September 24, 2021

আজি ৰাজ্যত ৭ জন ব্যক্তিৰ ক’ভিড সংক্ৰমণৰ ফলত মৃত্যু হয়।

ৰাজ্যত ক’ভিডত সুস্থ হোৱা ৰোগীৰ শতাংশ হাৰ আজি হৈছে ৯৮.২৫ ।

আনহাতে আক্ৰান্তৰ শতাংশ হাৰ হৈছে ০.৬৬।

অসমত বৰ্তমান ক’ভিড বিধি বহুখিনি শিথিল কৰা হৈছে।

অৱশ্যে তাৰ পিছতো জনসাধাৰণক ক’ভিড সংক্ৰান্তীয় বাধ্য-বাধকতা মানি চলিবলৈ আহ্বান জনাইছে ৰাজ্য প্ৰশাসনে।