ৰাজহুৱা ধন অপচয়ৰ ক্ষেত্ৰত একপ্ৰকাৰৰ অভিলেখ গঢ়িবলৈ ওলাইছে অসম ৰাজ্যিক পৰিবহণ নিগমে।
অসম ৰাজ্যিক পৰিবহণ নিগমৰ অধীনত বিশ্বনাথত ১ কোটি ৭৮ লাখ টকা ব্যয় সাপেক্ষে ইলেক্ট্ৰিক বাছ সেৱা চলিত বছৰৰ ২৫ জানুৱাৰীত উদ্বোধন কৰাৰ পিছতে অচল হৈ পৰিছিল ।
কেৱল এয়াই নহয়, বছৰ পূৰ নৌহওঁতেই ডেৰ কোটি টকাৰ অধিক ধন ব্যয়েৰে ক্ৰয় কৰা দুখনকৈ বৈদ্যুতিক বাছ চাৰ্জিঙৰ অভাৱত এতিয়া মকৰা জালেৰে ভৰি পৰিছে ।
ফলত বিশ্বনাথৰ ফলফলিত স্থাপন কৰা বৈদ্যুতিক যান-বাহন চার্জিং ষ্টেচনটোৰ পৰা দুখনকৈ বাছৰ চলাচলৰ হৈ পৰিছিল অচল।
এই বাতৰি প্ৰচাৰ হোৱাৰ পিছতে চাৰ্জিং ষ্টেচনটোত আজি উপস্থিত হয় অসম ৰাজ্যিক পৰিবহণ নিগমৰ অধ্যক্ষ অশোক ভট্টৰায় ।
অধ্যক্ষ গৰাকীয়ে ষ্টেচনৰ আন্তঃগাথঁনিৰ ক্ষয় ক্ষতিৰ বুজ লৈ পুনৰ মেৰামতিৰ নিৰ্দেশ দিয়াৰ লগতে কাইলৈৰ পৰা পুনৰ চাৰ্জিং বাছ দুখন চলিব বুলি জানিবলৈ দিয়ে ।