বিপিএফ হ’ল সুবিধাবাদীৰ দল, সুবিধাবাদৰ বাবেই ধ্বংস হব দলটো। বিজেপি-বিপিএফৰ মিত্ৰতা সন্দৰ্ভত ইউপিপিএলৰ কাৰ্যকাৰী সভাপতি ৰৌণগৌৰা নাৰ্জাৰীয়ে সংবাদমেলত এইদৰে মন্তব্য কৰে।
সংবাদমেলত বিপিএফক কঠোৰ সমালোচনা তেওঁ কয়, ‘’ৰাজনৈতিক দলৰ নীতি-আদৰ্শ থাকিব লাগে। বিপিএফৰ কোনো নীতি-আদৰ্শ নাই।‘’
নাৰ্জাৰীয়ে কয় যে মিত্ৰতা বিপিএফেহে ঘোষণা কৰিছে, বিজেপিয়ে কিন্তু কৰা নাই। বিপিএফে সুবিধাবাদৰ ৰাজনীতিৰে বিভ্ৰান্ত কৰিব বিচাৰিছে ভোটাৰ ৰাইজক।
তেওঁ লগতে কয় যে মুখ্যমন্ত্ৰীৰ সতে হাগ্ৰামা মহিলাৰীয়ে কি কথা পাতিছে সেয়া ইউপিপিএলে জানে।
‘’হাগ্ৰামা মহিলাৰীয়ে নিজক বচাবৰ বাবে, নিজৰ ৰাজনৈতিক স্বাৰ্থ পুৰণ কৰিবৰ বাবে ৰাজনৈতিক ষড়যন্ত্ৰ আৰম্ভ কৰিছে। হাগ্ৰামা মহিলাৰীৰ দাবীৰ কোনো সত্যতা নাই,’’- নাৰ্জাৰীয়ে কয়।
ইউপিপিএলৰ কাৰ্যকাৰী সভাপতি ৰৌণগৌৰা নাৰ্জাৰীৰ দাবী, ‘’বিপিএফৰ কিছু নেতা আহিব ইউপিপিএলত আৰু কিছু নেতা যাব বিজেপিলৈ। বিপিএফ ধ্বংস হবলৈ গৈ আছে।‘’
