ধেমাজিৰ জিয়াধল নদীত সন্ধানহীন তিনিজন লোকৰ এজনৰ মৃতদেহ মঙলবাৰে উদ্ধাৰ কৰা হৈছে।
সূত্ৰঅনুসৰি, মৃতদেহটো দিনেশ্বৰ মিলি ওৰফে জগ্গু মিলিৰ বুলি চিনাক্ত কৰা হৈছে।
জিয়াধল নদীৰ পানীৰ সোঁতে মৃতদেহটো নদীৰ পাৰলৈ উঠাই নিয়াৰ পিছত জগ্গু মিলিৰ মৃতদেহ বালিৰ পোঁত যোৱা অৱস্থাত পোৱা গৈছে।
উল্লেখ্য যে সোমবাৰে ১০ জন ব্যক্তি জীয়াধল নদীত বাগৰি পৰিছিল আৰু তেওঁলোকৰ তিনিজন পানীৰ দ্ৰুত গতিত উটি গৈছিল।
সোমবাৰে আবেলি অৰুণাচল প্ৰদেশৰ পৰা মেলাঙলৈ ১০ জনীয়া এটা দলে বাঁহ আনি থকাৰ সময়তে এই দুৰ্ঘটনাটো সংঘটিত হৈছিল।
১০ জন ব্যক্তিৰ ভিতৰত ৭ জন ব্যক্তিয়ে সাঁতুৰি তেওঁলোকৰ জীৱন ৰক্ষা কৰিবলৈ সক্ষম হৈছিল আৰু বাকী তিনিজন নদীৰ সোঁতত উটি গৈছিল।
সন্ধানহীন হোৱা আন দুজন লোকৰ মৃতদেহ এতিয়াও উদ্ধাৰ হোৱা নাই।