অসম চৰকাৰৰ চাহ জনজাতি কল্যাণ বিভাগ বিশ্বনাথ আৰু গহপুৰ মহকুমাৰ হিতাধিকাৰী সকলক বিশ্বনাথ মহাবিদ্যালয়ৰ প্ৰেক্ষাগৃহত অনুষ্ঠিত হোৱা এখন সভাত চাহ বাগিচাৰ স্কুলীয়া ছাত্ৰ-ছাত্ৰীক সাজ-পোছাক আৰু চাহ বাগিচাৰ লাইন চকিদাৰ সকলক চাইকেল বিতৰণ কৰা হয়।
অসম চৰকাৰৰ চাহ জনজাতি কল্যাণ বিভাগ বিশ্বনাথ আৰু গহপুৰ মহকুমাৰ হিতাধিকাৰী বাচনি সমিতিৰ উদ্যোগত আয়োজন কৰা হয় এই বিশেষ বিতৰণ কাৰ্যসূচীৰ।
এই আচঁনিৰ অধীনত চাহ বাগিচাৰ অন্তৰ্গত ৪২ খন বিদ্যালয়ৰ ভিতৰত ৫২৬৮ গৰাকী ছাত্ৰ-ছাত্ৰীক ইউনিফৰ্ম বিতৰণ কৰা লগতে জিলা খনৰ চাহ বাগিচাৰ ১৬৭ গৰাকী লাইন চকিদাৰক বিতৰণ কৰা হয় এই বিশেষ আঁচনিৰ দ্বাৰা চাইকেল সমুহ।
অনুষ্ঠানত বিশ্বনাথৰ বিধায়ক প্ৰমোদ বৰঠাকুৰ, বিহালীৰ বিধায়ক তথা প্ৰাক্তন মন্ত্ৰী ৰঞ্জিত দত্ত, অসম চৰকাৰৰ চাহ জনজাতি কল্যাণ বিভাগ বিশ্বনাথ আৰু গহপুৰ মহকুমাৰ হিতাধিকাৰী বাচনি সমিতিৰ সভাপতি দিগন্ত ঘাটোৱাৰ উপস্থিত থাকে ।
