Case filed against Saityranjan Bora বিতৰ্কিত হিন্দুত্ববাদী নেতা সত্যৰঞ্জন বৰাক গ্ৰেপ্তাৰৰ দাবীত আজি কলিয়াবৰৰ চুলুং আৰক্ষী চকীত এক গোচৰ দাখিল কৰিলে দুটাকৈ সংখ্যালঘু ছাত্ৰ সংগঠনে।
অসমৰ বহুকেইখন থানাত সত্যৰঞ্জন বৰাৰ বিৰুদ্ধে ইতিমধ্যে ৰুজু হৈছে গোচৰ।
ইছলাম ধৰ্মৰ প্ৰৱৰ্তক হজৰত মহম্মদক ডকাইতৰ লগত তুলনা কৰিছিল হিন্দুত্ববাদী নেতা সত্যৰঞ্জন বৰাই ৷
ছচিয়েল মিডিয়াত হজৰত মহম্মদক লৈ কৰা প’ষ্টৰ পাছতেই সমগ্ৰ অসমতেই আৰম্ভ হৈছে তীব্ৰ প্ৰতিক্ৰিয়া।
ইয়াৰে সমান্তৰালকৈ আজি সদৌ অসম কৌমী মাদ্ৰাছা ছাত্ৰ সন্থাৰ লগতে কলিয়াবৰ জিলা আমছুৰ উপ সভাপতিৰ সহযোগত কলিয়াবৰৰ চুলুং তহলদাৰী আৰক্ষী চকীটো এক গোচৰ দাখিল কৰা হয়।
সত্যৰঞ্জন বৰাক অতি সোনকালে গ্ৰেপ্তাৰৰ দাবী তুলিছে কৌমী মাদ্ৰাছা ছাত্ৰ সন্থা আৰু কলিয়াবৰ জিলা আমছুৱে ৷
তদুপৰি, সংগঠনটোৰ নেতা-কৰ্মী সকলে সত্যৰঞ্জন বৰা গ’ বেক, অসম চৰকাৰ গ’ বেক, সত্যৰঞ্জন বৰাক গ্ৰেপ্তাৰ কৰক আদি শ্লোগান দি হিন্দুত্ববাদী নেতা সত্যৰঞ্জন বৰাক অতি সোনকালে গ্ৰেপ্তাৰ কৰিবলৈ অসম চৰকাৰ তথা প্ৰশাসনক আহ্বান জনাইছে।
