India vs New Zealand Test টেষ্ট ক্ৰিকেটৰ ইতিহাসত অভিষেক টেষ্টতে শতৰাণ কৰাৰ কৃতিত্ব অৰ্জন কৰিলে ভাৰতৰ আৰু এগৰাকী বেটাৰ শ্ৰেয়াস আয়াৰে। এই কৃতিত্বৰ অধিকাৰী হোৱা শ্ৰেয়াস হৈছে বিশ্বৰ ১১০তম আৰু ভাৰতৰ ১৬তম বেটাৰ।
শ্ৰেয়াসৰ পূৰ্বে এই কৃতিত্ব গঢ়া ভাৰতৰ ক্ৰিকেটাৰকেইগৰাকী হ’ল শিখৰ ধাৱান, ৰোহিত শৰ্মা, পৃথ্বী শ্ব’, সৌৰভ গাংগুলী, গুডাপ্পা বিশ্বনাথ, সুৰিন্দৰ অমৰনাথ, সুৰেশ ৰাইনা, লালা অমৰনাথ, আব্বাছ আলী বেইগ, মহম্মদ আজাহাৰুদ্দিন, দীপক চোধন, হনুমন্ত সিং, বীৰেন্দ্ৰ সেহৱাগ, প্ৰবীণ আম্ৰে আৰু এ জি কৃপাল সিং।
ভাৰতৰ হৈ ১৯৩৩চনত মুম্বাইত প্ৰথম লালা অমৰনাথে এই অভিলেখ গঢ়িছিল। ইংলেণ্ডৰ বিৰুদ্ধে নিজৰ অভিষেক টেষ্টৰ দ্বিতীয় ইনিংছত লালাই ১১৮ৰাণ কৰিছিল।
Also Read: Junior Hockey World Cup চক দে ইণ্ডিয়া! জুনিয়ৰ হকী বিশ্বকাপত কানাডাক ১৩-১ গ’লত হৰুৱালে ভাৰতে
অভিষেক টেষ্টত ভাৰতীয় বেটাৰৰ ভিতৰত আটাইতকৈ বেছি ৰাণ কৰাৰ অবিলেখ গঢ়িছে শিখৰ ধাৱানে। ২০১৩ চনত অষ্ট্ৰেলিয়াৰ বিৰুদ্ধে মোহালিত নিজৰ অভিষেক টেষ্টৰ প্ৰথম ইনিংছত ধাৱানে ১৮৭ৰাণ কৰিছিল।
আনহাতে, শ্ৰেয়াসৰ পূৰ্বে ভাৰতৰ হৈ শেষবাৰ এই অভিলেখ গঢ়িছিল পৃথ্বী শ্ব’ই। ২০১৮ত ৱেষ্ট ইণ্ডিজৰ বিৰুদ্ধে ৰাজকোটত প্ৰথম ইনিংছত শ্ব’ই ১৩৪ৰাণ কৰিছিল।
ইপিনে, প্ৰথম তিনিখন টেষ্টত শতৰাণ কৰাৰ অভিলেখ আছে মহম্মদ আজাহাৰুদ্দিনৰ নামত। তাৰ পাছতে প্ৰথম দুখন টেষ্টত শতৰাণ কৰাৰ কৃতিত্ব আছে সৌৰভ গাংগুলীৰ।
