ৰাষ্ট্ৰীয় পৰ্য্যায়ৰ টাইকোৱাণ্ডো প্ৰতিযোগিতাত কলিয়াবৰলৈ সোণৰ পদক কঢ়িয়াই আনিলে পঞ্চী হাজৰিকাই। এটা সোণ, দুটা ৰূপ আৰু দুটা ব্ৰঞ্জ পদকৰে কলিয়াবৰলৈ সাফল্য কঢ়িয়াই আনিলে ৫ গৰাকীকৈ কণ-কণ খেলুৱৈয়ে।
যোৰহাটত অনুষ্ঠিত গুডউইল অপেন ৰাষ্ট্ৰীয় টাইকোৱাণ্ডো চেম্পিয়নশ্বীপ – ২০২১ত এইদৰে উজলিল কলিয়াবৰৰ পাচঁগৰাকী টাইকোৱাণ্ডো খেলুৱৈ।
অসম টাইকোৱাণ্ডো একাডেমীৰ উদ্যোগত অনুষ্ঠিত প্ৰতিযোগিতাৰ বিভিন্ন শাখাত এটা সোণৰ পদক, দুটা ৰূপৰ পদক আৰু দুটা ব্ৰঞ্জৰ পদকসহ মুঠ পাঁচটা পদক বুটলিবলৈ সক্ষম হয় কলিয়াবৰৰ ৫ গৰাকী খেলুৱৈয়ে।
কলিয়াবৰৰ পৰা ছয়গৰাকী খেলুৱৈয়ে প্ৰতিযোগিতাত অংশগ্ৰহণ কৰিছিল।
পাঁচ পদক প্ৰাপকক কলিয়াবৰৰ শিলঘাটত উষ্ম আদৰণি জনোৱা হয়।
পদক লাভ কৰা খেলুৱৈসকল হ’ল ক্ৰমে পঞ্চী হাজৰিকা – সোণ, জিজ্ঞাস হাজৰিকা – ৰূপ, দিজ্ঞাস বৰা – ৰূপ, কঙ্কন বৰা – ব্ৰঞ্জ, চাণক্য চয়ন ডেকা – ব্ৰঞ্জ।
উল্লেখ্য যে, পদক প্ৰাপক খেলুৱৈসকলে সমাগত আন্তঃছাই এম্বেছাডৰ কাপত অংশগ্ৰহণৰ সুবিধা লাভ কৰিছে।
