নৈতিকতাৰ শিক্ষাৰ অভাৱত একাংশ উঠি অহা প্ৰজন্মৰ মাজত অন্ধকাৰ- উশৃংখলতাই গা কৰি উঠাৰ অভিযোগ উৎথাপন হৈ অহাৰ সময়তে যোৰহাট জিলাৰ টীয়কৰ চ’টাইস্থিত শ্ৰীশ্ৰী দক্ষিণপাট আশ্ৰমী সত্ৰৰ সত্ৰাধিকাৰ জগন্নাথ দেৱ গোস্বামীয়ে হাতত লৈছে এক যোগাত্মক পদক্ষেপ।
সত্ৰৰ বাকৰিত ২০১৭ চনত আধ্যাত্মিক সেৱা সমিতি নামেৰে এক অনুষ্ঠান জন্ম দি উঠি অহা প্ৰজন্মৰ মাজত বিলাইছে আধ্যাত্মিকতাৰ পোহৰ।
Also Read: Crime in the City পুনৰ মহানগৰীত হত্যাকাণ্ড; কনিষ্ঠ ভাতৃয়ে ৰডেৰে মৰিয়াই হত্যা কৰিলে জ্যেষ্ঠ ভাতৃক
কেৱল কথাৰেই নহয়, হাইস্কুল অথবা মহাবিদ্যালয়ত অধ্যয়নৰত শিক্ষাৰ্থীসকলৰ মাজত গীতৰ জড়িয়তে বুজাব বিচাৰিছে মানুহে মানুহক মানুহ বুলি গণ্য কৰাৰ প্ৰয়োজনীয়তা।
নি:স্বাৰ্থভাৱে ছাত্ৰ-ছাত্ৰীৰ মাজত এনে শিক্ষা বিলাই অহা সত্ৰাধিকাৰগৰাকীয়ে ইতিমধ্যে মুখ্যমন্ত্ৰী ড° হিমন্ত বিশ্ব শৰ্মাক সাক্ষাৎ কৰি অৱগত কৰিছে তেওঁৰ মহৎ উদেশ্যৰ কথা।
যোৰহাটৰ চেনি আমগুৰি উচ্চ ইংৰাজী বিদ্যালয়ত এনেদৰে নৈতিকতাৰ শিক্ষা আগবঢ়াই তেওঁ এইক্ষেত্ৰত চৰকাৰৰো সহযোগিতা বিচাৰিছে।
Also Read: Omicron Threat: কেন্দ্ৰৰ নতুন নিৰ্দেশনা: অ’মিক্ৰনৰ আতংকত কাৰ বাবে বাধ্যতামূলক কৰা হ’ল RT-PCR?
কেৱল মাত্ৰ সত্ৰৰ চাৰিবেৰৰ মাজতেই ধৰ্ম কৰ্মত ব্যস্ত নাথাকি এনেদৰে উঠি অহা প্ৰজন্মৰ মাজত আধ্যাত্মিক নৈতিকতাৰ পোহৰ বিলোৱা এইগৰাকী সত্ৰাধিকাৰৰ এনে পদক্ষেপে সমাজলৈ কঢ়িয়াইছে যোগাত্মক বাৰ্তা।
