Encounter নগাঁৱত সোমবাৰে নিশা ম’ষ্ট ৱান্টেড আব্দুল বাছেট ওৰফে ইফু গুলীবিদ্ধ হৈছে ৷ চহৰখনৰ আজাদ নগৰত আৰক্ষীৰ গুলীত আহত হৈছে ইফু ৷
সোমবাৰে নিশা প্ৰায় ৯-৩০ বজাত নগাঁৱ আৰক্ষীৰ ড্ৰাগছ বিৰোধী অভিযানৰ সময়ত সোঁ ভৰিত গুলী লাগি আহত হয় ইফু৷
সমগ্ৰ অঞ্চলত আতংকৰ সৃষ্টি কৰি আৰক্ষীৰ মূৰৰ কামোৰণি হৈ পৰা আব্দুল বাছেট ওৰফে ইফুয়ে এটা বৃহৎ গেং লৈ নগাঁও চহৰত সন্ত্ৰাস চলাইছিল।
ইফু ড্ৰাগছ, জুৱা, তীৰ, মাটি বেদখলকে ধৰি বিভিন্ন অসামাজিক কামত জড়িত আছিল। এই কুখ্যাত ব্যক্তিজন সমবায় সমিতিৰ সভাপতিও হৈছিল।
Also Read: নাগালেণ্ডৰ সেনাৰ দ্বাৰা নিৰীহ লোকৰ হত্যাকাণ্ডক ‘ক’লা দিন’ হিচাপে অভিহিত গৌৰৱ গগৈৰ
গুলীবিদ্ধ হৈ আহত হোৱা ইফুক আৰক্ষীয়ে নগাঁও অসামৰিক চিকিৎসালয়ত ভৰ্তি কৰিছে৷
আৰক্ষীয়ে জানিবলৈ দিয়া মতে, ড্ৰাগছ সৰবৰাহৰ কামত ব্যস্ত থকাৰ সময়তে আজাদ নগৰত আৰক্ষী উপস্থিত হৈছিল। ইফুৱে পলাবলৈ চেষ্টা কৰোতে বাধ্য হৈ আৰক্ষীয়ে গুলীয়ায়। আৰক্ষীয়ে লগতে আন ৭জনকো আটক কৰিছে।
