Big Land Scam মুখ্যমন্ত্ৰী পত্নীৰ ভূমি কেলেংকাৰীক লৈ সৰৱ হৈছে বিধায়ক অখিল গগৈ। কি কি গোচৰত গ্ৰেপ্তাৰ হ’ব লাগে ৰিণিকি ভূঞা শৰ্মা? মাটিৰ দালালৰ বিৰুদ্ধে অভিযান চলোৱা মুখ্যমন্ত্ৰীৰ সাহস হ’ব নে নিজৰ পত্নী-পুত্ৰক গ্ৰেপ্তাৰ কৰিবলৈ?
শুকুৰবাৰে মুখ্যমন্ত্ৰী পত্নীৰ কোম্পানীৰ ভূমি কেলেংকাৰীৰ বিৰুদ্ধে সৰৱ হৈ পৰে বিধায়ক অখিল গগৈ। সংবাদমেলত মুখ্যমন্ত্ৰী ড০ হিমন্ত বিশ্ব শৰ্মাৰ বিৰুদ্ধে সোচ্চাৰ হৈ পৰে গগৈ।
উক্ত সংবাদমেলতে মুখ্যমন্ত্ৰীৰ পত্নী ৰিণিকি ভুঞা শৰ্মাৰ বিৰুদ্ধে কি কি ধাৰাত গোচৰ ৰুজু হৈ গ্ৰেপ্তাৰ হ’ব লাগে তাৰো খাতিয়ান দাঙি ধৰে বিধায়কজনে।
ভূমি সংক্ৰান্তীয় বে-আইনী কাৰ্য্য সংঘটিত কৰাৰ পৰিণাম কি? চৰকাৰী ভূমি বে-আইনীভাৱে নিজৰ কৰিলে কি কি গোচৰৰে দণ্ডিত হ’ব পাৰে লোকগৰাকী? সেয়া বিতংভাৱে ক’লে অখিল গগৈয়ে।
Also Read: Cabinet Decisions: অসম চৰকাৰৰ গুৰুত্বপূৰ্ণ কেবিনেট বৈঠকত শুকুৰবাৰে কি কি সিদ্ধান্ত লোৱা হ’ল?
মুখ্যমন্ত্ৰীৰ পত্নীক প্ৰবঞ্চকৰ ধাৰাত গ্ৰেপ্তাৰ কৰিবলৈ দাবী জনায় অখিল গগৈয়ে।
যদিহে প্ৰবঞ্চক হিচাপে ভাৰতীয় দণ্ডবিধিৰ ৪২০ ধাৰাত গোচৰ ৰুজু কৰিবলৈ মুখ্যমন্ত্ৰী তদাৰকী কোষৰ সাহস নহয় তেনেহ’লে ২৯ বিঘা ৯ লেছা মাটি আত্মসমৰ্পন কৰি চৰকাৰক ঘূৰাই দিবলৈ মুখ্যমন্ত্ৰীক আহ্বান জনালে অখিল গগৈয়ে।
চৰকাৰক উক্ত মাটি ঘূৰাই দি অসমবাসী ৰাইজক হাত যোৰ কৰি মুখ্যমন্ত্ৰী আৰু পৰিয়ালক ক্ষমা খুজিবলৈ আহ্বান জনায় অখিল গগৈয়ে।
ইপিনে, অখিল গগৈয়ে সংবাদমেল সম্বোধন কৰাৰ পাছতে তেওঁৰ বিৰুদ্ধে সৰৱ হৈ পৰে মুখ্যমন্ত্ৰী ড০ হিমন্ত বিশ্ব শৰ্মা।
অখিল গগৈৰ নাম নোলোৱাকৈ মুখ্যমন্ত্ৰীয়ে মন্তব্য কৰি কয় যে ২০০৯ চনৰে পৰা মুখ্যমন্ত্ৰীৰ পত্নীক চকু দি আহিছে অখিলে।গাড়ী এখন কিনিলেও চকু দিয়ে অখিলে। সন্মুখত হিমালয় আহিলেও ভাঙি দিব মুখ্যমন্ত্ৰী হিমন্তই।
Also Read: Sex Racket Busted: দেহ ব্যৱসায় চক্ৰ উৎখাত; উদ্ধাৰ কৰা পাঁচগৰাকীৰ ভিতৰত আছে নাবালিকাও
মুখ্যমন্ত্ৰীৰ এই বক্তব্যৰ পাছতে তেওঁক হাঁহি হাঁহি প্ৰত্যুত্তৰ দিলে অখিল গগৈয়ে।
অখিলে কয় “অসমৰ মুখ্যমন্ত্ৰী ইমান নিম্নলৈকে কেনেকৈ যাব পাৰে? নিজৰ পত্নীক বাজিত ৰাখিছে মুখ্যমন্ত্ৰীয়ে। আৰু এয়া ৰামায়ণ-মহাভাৰতৰ যুগৰ পাছত বিৰল।”
অৱশ্যে, বৰ্তমানলৈকে দা ৱায়াৰৰ বাতৰিৰ সত্যতাৰ ওপৰত মান হানি গোচৰ দিয়াৰ সিদ্ধান্ত লোৱা নাই মুখ্যমন্ত্ৰী ড০ হিমন্ত বিশ্ব শৰ্মাই।
ইপিনে, পাছলৈয়ো অখিল গগৈয়ে মুখ্যমন্ত্ৰীৰ পত্নী-পুত্ৰৰ এই কেলেংকাৰী সবিস্তাৰে প্ৰকাশ কৰাৰ হুংকাৰ দিয়ে। এয়া মাথোঁ আৰম্ভণি বুলিহে সকিয়নী দিয়ে অখিলে।
Also Read:বকোত অঘটন: বন বিভাগৰ গুলীয়ে প্ৰাণ ল’লে দুই বছৰীয়া শিশুৰ
এনেদৰে এতিয়া মুখ্যমন্ত্ৰীৰ পত্নীৰ বিয়াগোম ভূমি কেলেংকাৰী সন্দৰ্ভত আৰম্ভ হৈছে তীব্ৰ বাক-বিতণ্ডা।
অখিল গগৈয়ে এই বিস্ফোৰক অভিযোগ তুলিলেও আইনে বিষয়বোৰ ঢুকি পায় নে নাই সেয়া সময়ত লক্ষণীয় হ’ব।
আনহাতে, নৰ্থ ইষ্ট নাওৱো ৰজাঘৰৰ দুৰ্নীতি-কেলেংকাৰীৰ বিৰুদ্ধে সদায় মাত মাতি যাব বুলি ৰাইজৰ ওচৰত প্ৰতিজ্ঞাবদ্ধ।
