নাগ্ৰীজুলি উন্নয়ন খণ্ডৰ অধীনৰ অসম ৰাজ্যিক গ্ৰাম্য জীৱিকা অভিযানৰ অন্তৰ্গত গামোচা চিএলএফ নামৰ সংস্থাটোৰ উদ্যোগত মঙ্গলবাৰে তামুলপুৰ মহকুমাৰ অধীনৰ গান্ধীবাৰীত প্ৰথম বৰ্ষপুতি অনুষ্ঠান অনুষ্ঠিত হয়।
এই উপলক্ষে পুৱা কেক কাটি অনুষ্ঠানৰ শুভাৰম্ভ কৰে নাগ্ৰীজুলি উন্নয়ন খণ্ডৰ উন্নয়ন বিষয়া চৰণ নাৰ্জাৰীয়ে। অনুষ্ঠানৰ শুভাৰম্ভ কৰি খণ্ড উন্নয়ন বিষয়া চৰণ নাৰ্জাৰীয়ে কয় মহিলা সৱলীকৰণৰ বাবে এই আচনি হাতত লোৱা হৈছে।
এই আঁচনিৰ দ্বাৰা মহিলা সকল যথেষ্ট উপকৃত হব বুলিও মন্তব্য কৰে বিষয়া গৰাকীয়ে। আজিৰ এই অনুষ্ঠানত উপস্থিত থাকে বাক্সা জিলাৰ জিলা আঁচনি প্ৰবন্ধক বিচিত্ৰ বিজয় নাৰ্জাৰী, নাগ্ৰীজুলি উন্নয়ন খণ্ডৰ খণ্ড আঁচনি প্ৰবন্ধক জীৱজ্যোতি ডেকা, নাগ্ৰীজুলি উন্নয়ন খণ্ডৰ খণ্ড উন্নয়ন বিষয়া চৰন নাৰ্জাৰী, ডিএফই প্ৰণামি দাস, নাগ্ৰীজুলি ভিচিডিচিৰ অধ্যক্ষ ভানু মজুমদাৰ দাসৰ লগতে অসম ৰাজ্যিক গ্ৰাম্য জীৱিকা অভিযানৰ সদস্য সকল উপস্থিত থাকে।
অনুষ্ঠানৰ আৰম্ভণিতে নাৰী সৱলীকৰণৰ ওপৰত এক শোভাযাত্ৰা ও উলিওৱা হয়।
