সদৌ অসম প্রাথমিক টেট উত্তীর্ণ শিক্ষক সমাজৰ কামৰূপ জিলা সমিতিয়ে বুধবাৰে এক সংবাদমেল অনুষ্ঠিত কৰি শীঘ্ৰেই তেওঁলোকৰ প্ৰাপ্যৰ আদায়ৰ দাবীত মুখ্যমন্ত্ৰীৰ হস্তক্ষেপৰ দাবী জনায়।
উক্ত সংবাদমেলত কামৰূপ জিলা সমিতিৰ সভাপতি গৌড় চন্দ্ৰ বৰ্তন আৰু সম্পাদক কৃষ্ণ কাজ মাস আৰু জিলা সমিতিৰ অন্যান্য বিষয়ববীয়া উপস্থিত থাকে। উল্লেখযোগ্য যে, সংবাদমেল যোগে সংগঠনটোৰ কামৰূপ জিলা সমিতিৰ নেতৃত্বই চৰকাৰ তথা বিভাগক সৰ্বশিক্ষাৰ অধীনৰ প্ৰাথমিক টেট উত্তীর্ণ শিক্ষক সকলৰ সকলো প্ৰাপ্য আদায় দিবলৈ আহ্বান জনায়।
উল্লেখযোগ্য যে, সৰ্বশিক্ষাৰ অধীনৰ শিক্ষক সকলক বিপাচতে চাকৰি নিয়মীয়াকৰণ কৰা, নিয়মীয়াকৰণ নোহোৱা পর্যন্ত ২০০৯ চনৰ ১ জুলাইৰ কেবিনেট সিদ্ধান্তৰ নিৰ্দেশনা অনুসৰি নিম্নমীয়া শিক্ষকৰ মর্যাদা প্রদানেৰে সমহাৰত সকলো সুবিধা প্ৰদান কৰা তথা ২০১৯ চনৰ জুলাই মাহৰ পৰা পৰ্যায়ক্রমে ৫ শতাংশ ২১ শতাংশ আৰু ৩ শতাংশ সৰগীয়া বানচ (সৰ্বমুঠ ১৯ শতাংশ) বকেয়া সহ নামে শীঘ্ৰেই মুকলি কৰি দিয়াৰ বাৰে সংগঠনটোৰ কামৰূপ জিলা সমিতিৰ নেতৃত্বই সংবাদমেদ যোগে চৰকাৰ তথা বিভাগক দাবী জনায়।
সংবাদমেলত প্ৰকাশ কৰা অনুযায়ী সৰ্বশিক্ষাৰ অন্তৰ্গত প্রাথমিক টেট উত্তীর্ণ শিক্ষক সকলে অতি মূৰ্ভাগ্যজনক ভাৱে ৩০ মাহ ধৰি তিনিটাকৈ বন্ধিত মৰণীয়া ৰানচৰ পৰা বঞ্চিত হৈ আছে। নিয়মীয়া শিক্ষকসকলৰ ৩১ শতাংশ অগীয়া বানচৰ বিপৰীতে বর্তমানেও সৰ্বশিক্ষাৰ শিক্ষক সকলে ১২ শতাংশ অধীয়া ৰানচ হে লাভ কৰি আছে।
সমাজৰ কেন্দ্ৰীয় সমিতিৰ সৈতে বিভাগীয় মন্ত্ৰী তথা বিভাগৰ কেইবাবাৰো আনুষ্ঠানিক, অনানুষ্ঠানিক আলোচনা হোৱাৰ পাছতো প্ৰতিশ্ৰুতিৰ বাহিৰে কাৰ্যক্ষেত্ৰত কোনো ধৰণৰ ফল লাভ কৰা নাই শিক্ষক সকলে।
এই ক্ষেত্ৰত মুখ্যমন্ত্ৰীৰ পোনপটীয়া হস্তক্ষেপ দাবী কৰিছে সংগঠনটোৱে আৰু ডিচেম্বৰ মাহৰ ভিতৰতে মৰণীয়া বানচৰ সমস্যা সমাধানৰ দাবী জনাইছে কামৰূপ জিলা সমিতিৰ সভাপতি গৌড় চন্দ্ৰ বৰ্মনে।
আনহাতে, নিয়মীয়া শিক্ষক সকলে লাভ কৰা এনপিএছ, চাৰ্ভিচবুক, মৃত্যুকালীন সুবিধা, শিক্ষক বঁটা এমএচিপিচ, আপোন ঘৰ লোন আদিও আজিলৈ লাভ কৰা নাই সৰ্বশিক্ষাৰ অধীনৰ এইসকল শিক্ষকে।
উল্লেখ থাকে যে, ২০১৬ চনৰ ১ জুলাইৰ কেবিনেট সিদ্ধান্ত অনুসৰি প্ৰকাশ পোৱা নিৰ্দেশনা মতে নিয়মীয়া কৰ্মচাৰীৰ সমহাৰত সকলো সুবিধা লাভ কৰিব বুলি ঘোষণা কৰাৰ পাছতো নিয়মীয়া শিক্ষক সকলৰ বিপৰীতে ঠিকাভিত্তিক এইসকল শিখকে প্ৰতিটো ক্ষেত্ৰত বঞ্চিত হৈ আহিছে।
সংবাদমেল যোগে সংগঠনৰ কামৰূপ জিলা নেতৃত্বই কয় “২০ ডিচেম্বৰৰ ২০২১ ত অনুষ্ঠিত সদৌ অসম প্ৰাৰ্থমিক টেট উত্তীৰ্ণ শিক্ষক সমাজৰ অনলাইন কেন্দ্ৰীয় কাৰ্যনিৰ্বাহকৰ সমূহীয়া সিদ্ধান্ত অনুসৰি অহা ২৩ ডিচেম্বৰত ২০২১ত নিজৰ প্ৰাপ্য আদায়ৰ দাবীত অসম সৰ্বশিক্ষা অভিযান মিছনৰ অন্তৰ্গত সকলো শিক্ষকে ফেচবুকত এক ডিজিটেল প্ৰতীকী প্ৰতিবাদ আৰম্ভ কৰিব।”
