একাধিক ক’ভিদ-19 আক্ৰান্ত ৰোগী চিনাক্ত কৰাৰ পিছত জিলাখনৰ পাঁচখন বিদ্যালয় এসপ্তাহৰ বাবে বন্ধ ৰখাৰ সিদ্ধান্ত লৈছে ডিব্ৰুগড় জিলা প্ৰশাসনে।
ডিব্ৰুগড়ৰ বিদ্যালয় পৰিদৰ্শক দীপিকা চৌধুৰীয়ে বিদ্যালয় চৌহদত একাধিক ক’ভিদ-১৯ সংক্ৰমণৰ ঘটনা ধৰা পৰাৰ পিছত ডিব্ৰুগড় জিলাৰ পাঁচখন বিদ্যালয় সাত দিনৰ বাবে বন্ধ ৰখাৰ নিৰ্দেশ জাৰি কৰে।
বিদ্যালয়সমূহ হৈছে- নন্দেশ্বৰ চক্ৰৱৰ্তী হায়াৰ চেকেণ্ডাৰী স্কুল, চেপন হৰিপতি উচ্চ বিদ্যালয়, চাচনী যমুনামুখ হায়াৰ চেকেণ্ডাৰী স্কুল, টিপলিং গাৰ্লছ হাই স্কুল আৰু নাহৰকটীয়া হায়াৰ চেকেণ্ডাৰী স্কুল।
ডিব্ৰুগড়ৰ উপায়ুক্তৰ অনুমতিত বিদ্যালয়কেইখন সাত দিনৰ পিছত পুনৰ মুকলি হ’ব।
আনহাতে, অতি দ্ৰুত হাৰত ডিব্ৰুগড় জিলাত ক’ভিদ-১৯ ৰ ঘটনাবৃদ্ধিৰ পৰিপ্ৰেক্ষিতত জিলা পৰ্যায়ৰ আভ্যন্তৰীণ পৰীক্ষা সমিতিয়ে (ডিএলইচি) ২৪-০১-২০২২ বৰ্ষৰ পৰা অনুষ্ঠিত হ’বলগীয়া নৱম আৰু দশম শ্ৰেণীৰ আগন্তুক চূড়ান্ত আৰু প্ৰাক-ব’ৰ্ড পৰীক্ষা স্থগিত ৰখাৰ সিদ্ধান্ত লৈছে।
আই এছ চৌধুৰীয়ে এটা আদেশ যোগে সকলো বিদ্যালয়ক পৰীক্ষাৰ বাবে পৰিৱৰ্তিত সময়সূচী সোনকালেই অৱগত কৰা হ’ব বুলি জানিবলৈ দিয়ে।
উল্লেখ্য যে বৃহস্পতিবাৰে ডিব্ৰুগড়ত ৪৬৬ টা ক’ভিড-19 পজিটিভ ঘটনা ধৰা পৰিছিল।
