৬০ জনীয়া মণিপুৰ বিধানসভাৰ নিৰ্বাচনৰ বাবে বিজেপিয়ে আজি ৬০ জন প্ৰাৰ্থীৰ নাম তালিকা প্ৰকাশ কৰে।
তালিকা অনুসৰি মণিপুৰৰ মুখ্যমন্ত্ৰী এন বীৰেন সিঙক হেইংগাং বিধানসভা সমষ্টিৰ পৰা প্ৰাৰ্থিত্ব প্ৰদান কৰা হৈছে। ৬০ জন প্ৰাৰ্থীৰ ভিতৰত মাত্ৰ তিনিগৰাকী মহিলাক টিকট দিয়া হৈছে।
আজি কেন্দ্ৰীয় মন্ত্ৰী তথা মণিপুৰৰ নিৰ্বাচনৰ দায়িত্বত থকা ভূপেন্দৰ যাদৱে বিজেপিৰ প্ৰাৰ্থীৰ তালিকা প্ৰকাশ কৰে।
মণিপুৰ বিধানসভাৰ নিৰ্বাচন দুটা পৰ্যায়ত অনুষ্ঠিত হ’ব।
২৭ ফেব্ৰুৱাৰীত ৩৮ খন আসমৰ বাবে আৰু ৩ মাৰ্চত বাকী ২২ খন আসনৰ বাবে ভোটগ্ৰহণ হ’ব।
বিজেপিয়ে মণিপুৰৰ বিধানসভা নিৰ্বাচনৰ বাবে প্ৰাৰ্থীৰ তালিকা ঘোষণা কৰাৰ কেইঘণ্টামান পিছতে দেওবাৰে টিকট বঞ্চিত প্ৰাৰ্থীৰ ক্ৰোধিত সমৰ্থকসকলে প্ৰধানমন্ত্ৰী নৰেন্দ্ৰ মোদী আৰু মুখ্যমন্ত্ৰী এন বীৰেন সিঙৰ পুত্তলিকা দাহ কৰে৷
বিধানসভা নিৰ্বাচনৰ বাবে প্ৰাৰ্থী বাছনিক লৈ অসন্তুষ্ট হৈ বিজেপি সমৰ্থকসকলে প্ৰধানমন্ত্ৰী মোডী আৰু মণিপুৰৰ মুখ্যমন্ত্ৰী এন বীৰেনৰ বিৰুদ্ধে শ্ল’গান দিয়ে আৰু ৰাজ্যৰ বিভিন্ন প্ৰান্তত দলীয় কাৰ্যালয়ত ভাঙি চুৰমাৰ কৰে।
আগন্তুক নিৰ্বাচনৰ বাবে প্ৰাৰ্থী বাছনিক লৈ অসন্তুষ্টি প্ৰকাশ কৰি কেইবাজনো নেতাই বিজেপিৰ পৰা পদত্যাগ কৰিছে৷
