বিলাসীপাৰা মহকুমাৰ নায়েৰ আলগা উচ্চতৰ মাধ্যমিক বিদ্যালয়ত আগত হাইস্কুল শিক্ষান্ত পৰীক্ষাৰ বাবে পৰীক্ষা কেন্দ্ৰ পৰিচালনা সমিতিখন গঠন কৰা হয়।
নায়েৰ আলগা উচ্চতৰ মাধ্যমিক বিদ্যালয়ৰ অধ্যক্ষ আহাদ আলী প্ৰামাণিকে এক বিবৃতিযোগে এই কথা জানিবলৈ দিছে।
উল্লেখযোগ্য যে যোৱা ২০২১বৰ্ষৰ মাৰ্চ মাহত কোৰোনাৰ বাবে ল’কডাউন চলি থকা হেতুকে হাইস্কুল শিক্ষান্ত পৰীক্ষা বাতিল কৰা হৈছিল৷
এইবেলি আগত মাৰ্চ মাহত অনুষ্ঠিতব্য হাইস্কুল শিক্ষান্ত পৰীক্ষাৰ বাবে আজি পৰীক্ষা পৰিচালনা সমিতিখন গঠন কৰা হয়৷
এই উপলক্ষে নায়েৰ আলগা উচ্চতৰ মাধ্যমিক বিদ্যালয় প্ৰাংগণত কাজাইকাটা উচ্চতৰ মাধ্যমিক বিদ্যালয়ৰ অধ্যক্ষ ছামছুল হ’কৰ সভাপতিত্বত উক্ত সভাখন অনুষ্ঠিত হয়৷
সভাৰ উদ্দেশ্য ব্যাখ্যা কৰে নায়েৰ আলগা উচ্চতৰ মাধ্যমিক বিদ্যালয়ৰ অধ্যক্ষ আহাদ আলী প্ৰামাণিকে৷ সভাত প্ৰস্তাৱ আৰু সমৰ্থন যোগে জ্যেষ্ঠ সাংবাদিক তথা সাহিত্যৰ পূজাৰী মোছলেমউদ্দিন আহমেদক নায়েৰ আলগা কেন্দ্ৰৰ পৰীক্ষা পৰিচালনা সমিতিৰ সভাপতি হিচাপে নিৰ্বাচিত কৰা হয়৷
সদস্য সচিব হিচাপে আহাদ আলী প্ৰামানিকক বাছনি কৰাৰ লগতে আন ১২গৰাকী সদস্যসহ পুৰ্ণাংগ সমিতিখন গঠন কৰা হয়৷উক্ত কেন্দ্ৰত পাৰ্শ্বৱৰ্তী ১১খন হাইস্কুলৰ ছাত্ৰ-ছাত্ৰীয়ে এইবেলি পৰীক্ষাত অৱতীৰ্ণ হব।ইপিনে আজিৰ সভাখনত মায়াৰ চৰ, গুটিপাৰা আৰু ডালাগুটিপাৰা হাইস্কুলৰ প্ৰধান শিক্ষককেইজনে অনুপস্থিত থকাত একাংশ শিক্ষাপ্ৰেমী ৰাইজে অসন্তুষ্টি প্ৰকাশ কৰিছে। সভাত নায়েৰ আলগা উপ আৰক্ষী চকীৰ ভাৰপ্ৰাপ্ত বিষয়া হবিবুৰ ৰহমানেও উপস্থিত থাকি ভাষণ প্ৰদান কৰে৷
কেন্দ্ৰটোত পৰীক্ষা সন্দৰ্ভত কোনোধৰণৰ দুৰ্নীতিক প্ৰশ্ৰয় দিয়া নহব বুলি সভাপতি মোছলেমউদ্দিন আহমেদে ভাষণ প্ৰসংগত কয়৷
