মহাকাব্য মহাভাৰতৰ ওপৰত নিৰ্মিত জনপ্ৰিয় টিভি ধাৰাবাহিক ‘মহাভাৰত’ৰ ‘ভীম’ প্ৰবীণ কুমাৰ ছবতিৰ পৰলোক প্ৰাপ্তি ঘটিছে। মৃত্যুৰ সময়ত তেওঁৰ বয়স আছিল ৭৫বছৰ। সোমবাৰে নিশা ৯-৩০বজাত হৃদৰোগত আক্ৰান্ত হৈ অভিনেতাগৰাকীৰ মৃত্যু হয়।
ভাৰতীয় টেলিভিশ্বনৰ মেগা ছিৰিয়েল বি আৰ চোপ্ৰাৰ জনপ্ৰিয় ‘মহাভাৰত’ৰ ভীমৰ চৰিত্ৰত অভিনয় কৰি প্ৰবীণ কুমাৰ পৰিচিত হৈ পৰিছিল। তেওঁৰ এই অভিনয়ৰ পাছতে ‘প্ৰবীণ ভাই’ হিচাপে অধিক জনপ্ৰিয় হৈ পৰিছিল অভিনেতাগৰাকী।
প্ৰবীণ কুমাৰে বলীউদৰ ‘আজ কা অৰ্জুন’, ‘আজুবা’, ‘ঘায়েল’ৰ দৰে ছবিত অভিনয় কৰাৰ উপৰি অমিতাভ বচ্চন অভিনীত ‘শ্বাহেনশ্বাহ’ আৰু ধৰ্মেন্দ্ৰ অভিনীত ‘লোহা’ ছবিত কৰা অভিনয়েৰে দৰ্শকৰ মন জয় কৰিবলৈ সক্ষম হৈছিল।
ৰাজনীতিতো খোজ দিছিল প্ৰবীণ কুমাৰে। ২০১৩ চনত দিল্লী বিধানসভা নিৰ্বাচনত আম আদমী পাৰ্টিৰ প্ৰাৰ্থী হিচাপে প্ৰতিদ্বন্দ্বিতা আগবঢ়াইছিল তেওঁ।
Also Read : http://ধিক্! দেশবাসীৰ বন্দিত ছবিত ঘৃণাৰ বিষবাষ্প ছটিয়াবলৈ নেৰিলে হিন্দুত্ববাদী নেতাই
এগৰাকী বৃত্তিগত অভিনেতা হিচাপে জীৱন আৰম্ভ কৰা প্ৰবীণ কুমাৰ এগৰাকী ভাল এথলিট আছিল। ডিছকাছ আৰু হেমাৰ থ্ৰ’ ইভেন্টত খেলিছিল প্ৰবীণ কুমাৰ।
এছিয়ান গেমছত চাৰিবাৰ সোণৰ পদক জিকিছিল প্ৰবীণ কুমাৰে। তেওঁ ১৯৬৮চনত মেক্সিকোত আৰু ১৯৭২চনত মিউনিখ অলিম্পিকত ভাৰতক প্ৰতিনিধিত্ব কৰিছিল।
অৰ্জুন বঁটাৰে সন্মানিত প্ৰবীণ কুমাৰ বিএছএফৰ ডেপুটি কমাণ্ডেন্ট আছিল।
