আজিৰ পৰা নিউজিলেণ্ডত আৰম্ভ হৈছে মহিলা ক্ৰিকেট বিশ্বকাপৰ ১২ সংখ্যক সংস্কৰণ। বিশ্বকাপৰ প্ৰতিযোগী দলসমূহক শুভেচ্ছা জনাই আজি গুগল ডুডলে বিশেষভাৱে উদযাপন কৰিছে বিশ্বকাপৰ মুহূৰ্ত।
এটা এনিমেটেড ডুডলেৰে গুগল ডুডলে মহিলা বিশ্বকাপ প্ৰতিযোগিতাখনলৈ শুভেচ্ছা জনায়। এনিমেটেড ডুডলটোত ক্ৰিকেট ষ্টেডিয়ামত উইকেট-কিপিং, বেটিং আৰু ফিল্ডিং কৰি থকা মহিলা খেলুৱৈক দেখুওৱা হৈছে।
আকৰ্ষণীয়ভাৱে গুগলে ডুডলটোত আন এক প্ৰযুক্তি সংযোগ কৰিছে। মহিলা ক্ৰিকেট বিশ্বকাপক প্ৰতিনিধিত্ব কৰা ডুডলত ক্লিক কৰাৰ লগে লগে ৰঙা ক্ৰিকেট বল কিছু কম্পিউটাৰ বা মোবাইল স্ক্ৰীণত বাওঁফালৰ পৰা সোঁফাললৈ গতি কৰি থকা দেখিবলৈ পোৱা যায়।
*sets alarms for all India matches* ⏰⏰⏰
Today’s #GoogleDoodle marks the beginning of this year’s Women’s Cricket World Cup tournament. Read more about its history here: https://t.co/TujiAJdqaK. pic.twitter.com/qUWr9g4VJx
— Google India (@GoogleIndia) March 4, 2022
উল্লেখ্য সৰ্বমুঠ আঠখন দেশে প্ৰতিদ্বন্দীতা কৰা প্ৰতিযোগিতাখন আজিৰ পৰা ৩ এপ্ৰিললৈকে অনুষ্ঠিত হ’ব।
ৰাউণ্ড ৰবিন পৰ্যায়ত অনুষ্ঠিত হ’বলগীয়া এইবাৰৰ মহিলা বিশ্বকাপত অষ্ট্ৰেলিয়া, ইংলেণ্ড, নিউজিলেণ্ড, পাকিস্তান, ৱেষ্ট ইণ্ডিজ, দক্ষিণ আফ্ৰিকা, ভাৰত আৰু বাংলাদেশে প্ৰতিদ্বন্দীতা আগবঢ়াব।
আজিৰ উদ্বোধনী মেচত আয়োজক নিউজিলেণ্ডক ৩ ৰানত পৰাস্ত কৰি দৃঢ় আৰম্ভণি কৰিছে ৱেষ্ট ইণ্ডিজে।
স্মৰ্তব্য যে পূৰ্বৰ সময়সূচী অনুসৰি মহিলা ক্ৰিকেট বিশ্বকাপ প্ৰতিযোগিতাখন মূলতঃ ২০২১ চনৰ আৰম্ভণিতে অনুষ্ঠিত হোৱাৰ কথা আছিল যদিও। ক’ভিড ১৯ মহামাৰীৰ বাবে এবছৰ পিছুৱাই দিয়া হয়।
ভাৰতে ৬ মাৰ্চত পাকিস্তানৰ বিপক্ষে অৱতীৰ্ণ হৈ বিশ্বকাপত অভিযান আৰম্ভ কৰিব।