সদৌ অসম প্ৰশিক্ষনপ্ৰাপ্ত গৃহৰক্ষী সন্থাৰ আহ্বান মৰ্মে বিশ্বনাথ জিলা সমিতিয়েও আজিৰে পৰা অনিৰ্দিষ্টকালীন কৰ্মবিৰতি পালন কৰে। আজি ৰাতিপুৱা ৬ বজাৰ পৰা সকলো গৃহৰক্ষীয়ে কৰ্মৰ পৰা বিৰত থাকি বিশ্বনাথ চাৰিআলি সদৰ আৰক্ষী থানা চৌহদত ধৰ্মঘট পালন কৰে।
গৃহৰক্ষী জোৱানসকলে হাতে হাতে প্লে-কাৰ্ডলৈ কৰ্মবিৰতিৰে ধৰ্মঘটত বহে।
গৃহৰক্ষী সকলে গৃহৰক্ষী জোৱানসকলৰ চাকৰি নিয়মীয়াকৰণ কৰাৰ ব্যৱস্থা কৰিবলৈ দাবী জনায়। সমান কামৰ বাবে সমান দৰমহা তৎকালীনভাৱে আদায় দিয়াৰো দাবী কৰে গৃহৰক্ষী জোৱানসকলে।
লগতে পঢ়ক: ৰাজ্যসভা নিৰ্বাচনৰ দিন ঘোষণা: ৩১ মাৰ্চত অনুষ্ঠিত হ’ব নিৰ্বাচন
অসম আৰক্ষীৰ কনিষ্টবল পদৰ শাৰীৰিক পৰক্ষীত উত্তীৰ্ণ হোৱা সকলো গৃহৰক্ষী জোৱানক নিযুক্তি প্ৰদান কৰাৰ বাবেও তেওঁলোকে দাবী কৰে।
চৰকাৰে দাবীসমূহ মানি নোলোৱা পৰ্যন্ত এই কৰ্মবিৰতি কাৰ্যসূচী বাহল থাকিব বুলি জানিবলৈ দিয়ে গৃহৰক্ষী জোৱানসকলে।
আনহাতে, ইতিমধ্যে গৃহৰক্ষী বাহিনীৰ দুগৰাকী জোৱানে নিজৰ পৰিয়াল পোহ-পাল দিব নোৱাৰি আত্মহননৰ পথ বাছি লৈছে আৰু বাকীসকলেও যদি অনাগত সময়ত এই পথ বাছি লবলগীয়া পৰিস্থিতিৰ সৃষ্টি হয়, তেনেহলে তাৰ বাবে চৰকাৰ সম্পূৰ্ণ দায়ী হব বুলি গৃহৰক্ষী জোৱানসকলে সকীয়াই দিয়ে।
লগতে পঢ়ক: ৰাজ্যিক কেবিনেটে আজি কি কি গুৰুত্বপূৰ্ণ সিদ্ধান্ত ল’লে? চাওক সিদ্ধান্তসমূহ
আজিৰ এই প্ৰতিবাদী কাৰ্যসূচীত গৃহৰক্ষী বাহিনীৰ বিশ্বনাথ জিলা সমিতিৰ সভাপতি মানস জ্যোতি মহন্ত, সাধাৰণ সম্পাদক নেকিব আহমেদকে ধৰি সহস্ৰাধিক গৃহৰক্ষী বাহিনীৰ জোৱানে অংশগ্ৰহণ কৰে।
