মাৰ্ঘেৰিটা মহকুমাত উগ্ৰপন্থী বিৰোধী অভিযানত বৃহৎপৰিমাণৰ অস্ত্ৰ-শস্ত্ৰ জব্দ কৰা হৈছে। অসম আৰক্ষী আৰু সেনাৰ যুটীয়া অভিযানত লিডু মালো পাহাৰত বুধাবাৰে অত্যাধুনিক মাৰণাস্ত্ৰসহ সজীৱ গুলি উদ্ধাৰ কৰিবলৈ সক্ষম হয়।
অসম আৰক্ষীৰ উজনী অসমৰ উপ আৰক্ষী মহাপৰিদৰ্শক জীৎমল দলেৰ নেতৃত্বত যোৱা আৰক্ষী আৰু সেনাৰ দলটোৱে গোপন সূত্ৰৰ তথ্যৰ ভিত্তিত উগ্ৰপন্থীৰ বিৰুদ্ধে অভিযানত চীনত নিৰ্মিত অত্যাধুনিক মাৰণাস্ত্ৰ এম কিউ ৮১ এটা, দুটা মেগজিন, ১৩৬ জাঁই সজীৱ গুলী, এ কে ৪৭’ৰ সজীৱ গুলী ১৭ টা, ৯ এম এম পিস্তলৰ সজীৱ গুলী ১৪ জাঁই,, দুটা ডেটনেটৰসহ আপত্তিজনক বহু সামগ্ৰী উদ্ধাৰ কৰিবলৈ সক্ষম হয়।
লগতে পঢ়ক: যুদ্ধৰ খবৰ: ইউক্ৰেইনৰ প্ৰত্যাক্ৰমণ; ৰাছিয়াৰ নিয়ন্ত্ৰণৰ পৰা উদ্ধাৰ খাৰকিভ-ডেৰহাচি!
উপ আৰক্ষী মহাপৰিদৰ্শক’ দলেই সংবাদ মাধ্যমক জানিবলৈ দিয়া অনুসৰি মঙলবাৰৰে পৰা মালো পাহাৰ, ৰাংৰিংকান আদি পাহাৰীয়া অঞ্চলত উগ্ৰপন্থী বিৰোধী অভিযান চলি আছিল।
আৰক্ষীয়ে এক বিশেষ সূত্ৰৰ পৰা পোৱা খবৰ অনুসৰি উক্ত অঞ্চলত নগা উগ্ৰপন্থী সংগঠনৰ এটা দলে কুচকাৱাজ কৰি থকা তথ্যৰ ভিত্তিত এই অভিযান চলোৱা সময়ত জংঘলৰ মাজৰ এটা পথত পৰিত্যক্ত অবস্থাত এই অস্ত্ৰ-শস্ত্ৰখিনি উদ্ধাৰ কৰিবলৈ সক্ষম হয়।
বৰ্ত্তমানেও উগ্ৰপন্থী বিৰোধী অভিযান উক্ত অঞ্চলত চলি আছে বুলি আৰক্ষী বিষয়া গৰাকীয়ে জানিবলৈ দিয়ে।
লগতে পঢ়ক: পঞ্জাৱত ঝাৰুৰ চাফাই অভিযান! চৰকাৰ গঠনৰ দিশে আম আদমী পাৰ্টী
উল্লেখ্য যে, লিডু আৰু ইয়াৰ দাঁতিকাষৰীয়া পাহাৰীয়া অঞ্চলত দীৰ্ঘদিন ধৰি নগা উগ্ৰপন্থী সংগঠনসমূহে কাৰ্যকলাপ অব্যাহত ৰাখিছে।
