অসমৰ ভূমিপুত্ৰ আদিবাসী জনগোষ্ঠীক জনজাতিকৰণৰ মৰ্যদা আৰু ভূমিৰ পট্ৰা প্ৰদানৰ দাবীত আজি আদিবাসী জাতীয় মহাসভা সংগ্ৰামী মঞ্চই কোকৰাঝাৰ চহৰৰ শিশু উদ্যানত তিনিঘন্টীয়া অৱস্থান ধৰ্ণাৰে পৰিবেশ উত্তাল কৰি তোলে ৷
উল্লেখ্য যে আদিবাসী সংগ্ৰামী মঞ্চ, আদিবাসী জাতীয় মহাসভাৰ উদ্যোগত আছাকে ধৰি কেইবাটাও সংগঠনে ধৰ্ণা কাৰ্যসূচীত অংশগ্ৰহণ কৰে।
ধৰ্ণা কাৰ্যসূচীত প্ৰায় তিনি শতাধিক আদিবাসী পুৰুষ- মহিলাই হাতে হাতে প্লে-কাৰ্ডলৈ জনজাতিকৰণ আমাৰ ন্যায্য দাবী,আমাক ভূমিৰ পট্টা প্ৰদান কৰক, আমাক ভূমিৰ অধিকাৰ দিবই লাগিব ,অসম চৰকাৰ হুচিয়াৰ,অসম চৰকাৰ হায় হায় ,ন’ এচ টি ন’ ৰেষ্ট ইত্যাদি শ্লোগান দি আকাশ- বতাহ কপাঁই তোলে ৷
