হেঁপাহৰ ৰঙালী বিহুক আদৰিবলৈ এতিয়া গাঁৱে-ভূঞে, চহৰে-নগৰে সীমাহীন ব্যস্ততা। বিহু নাচ, বিহু গীতৰ সমান্তৰালকৈ এতিয়া লোক বাদ্য ঢোল প্ৰস্তুত কৰা প্ৰতিষ্ঠান সমূহত ব্যস্ততা দেখা গৈছে।
দিনে-নিশাই এই সকল শিল্পী ব্যস্ত হৈ পৰিছে গ্ৰাহকৰ চাহিদা অনুযায়ী ঢোল প্ৰস্তুত কৰাত। এইক্ষেত্ৰত ব্যতিক্ৰম নহয় যোৰহাট জিলাৰ টীয়কৰ কাকজানৰ দিগ্বিজয় বাদ্য ভাণ্ডাৰো।
কেৱল যোৰহাট জিলাতে নহয় শিৱসাগৰ, গোলাঘাট, ডিব্ৰুগড় আদি জিলাৰ গ্ৰাহকে ঢোল ক্ৰয়ৰ বাবে আহি ভিৰ কৰিছেহি কাকজানৰ এই বাদ্য ভাণ্ডাৰত।
লগতে পঢ়ক: যোৰহাটত কেকো সাপ সহ গ্ৰেপ্তাৰ কেকো সাপৰ চোৰাং ব্যৱসায়ী
উল্লেখযোগ্য যে যোৱা দুটা বছৰে ক’ভিডসৃষ্ট পৰিবেশে এইসকল ব্যৱসায়ীৰ জীৱনত বাৰুকৈ প্ৰভাৱ পেলাইছিল।দুবেলা দুসাজ খোৱাৰ যোগাৰ কৰিবলৈকো প্ৰায় অপাৰগ হৈ পৰিছিল বাদ্য নিৰ্মাতাসকল। কিন্তু এইবাৰ কিছু আশাৰ ৰেঙণি দেখি দুগুণ উৎসাহেৰে নিজ কৰ্মত তেওঁলোক ব্যস্ত হৈ পৰিছে।
