এগৰাকী মাতৃ। পঞ্জাৱৰ এখন বিদ্যালয়ত তেওঁ সুদীৰ্ঘ দিন ধৰি চাফাই কৰ্মী হিচাবে কাম কৰি আহিছে।
বিদ্যালয়ৰ চৌহদ পৰিস্কাৰ কৰাৰ উপৰি তেওঁ শৌচাগাৰ আদিও চাফা কৰি আহিছে।
সেইগৰাকী মাতৃয়ে চাফাই কৰ্মী হিচাবে কাম কৰা বিদ্যালয় খনলৈ আহিল এগৰাকী বিধায়ক।
বিদ্যালয়ৰ অনুষ্ঠানত মুখ্য অতিথি হিচাবে আমন্ত্ৰিত বিধায়কগৰাকী আন কোনো নহয়, তেওঁ হৈছে বিদ্যালয় খনত চাফাই কৰ্মী হিচাবে কাম কৰি থকা মহিলাগৰাকীৰেই পুত্ৰ। নাম তেওঁৰ লাভ সিং উগোকে।
পঞ্জাৱৰ নৱনিৰ্বাচিত বিধায়ক উগোকে বিদ্যালয় খনৰ এক অনুষ্ঠানত মুখ্য অতিথি হিচাবে উপস্থিত থাকে।
সেই বিদ্যালয় খনতে তেওঁৰ মাতৃয়ে চাফাই কৰ্মী হিচাপে কাম কৰি আহিছে।
ভাদাউৰ সমষ্টিত পঞ্জাৱৰ প্ৰাক্তন মুখ্যমন্ত্ৰী চৰণজিৎ সিং চান্নীক পৰাস্ত কৰি উগোকে এইবাৰ পঞ্জাৱৰ বিধানসভালৈ নিৰ্বাচিত হৈছে।
পুত্ৰক নিজে কাম কৰা বিদ্যালয়ত মুখ্য অতিথি হিচাবে পাই তেওঁৰ মাতৃৰ হিয়া আনন্দৰে নধৰা হৈ পৰিছে। উগোকেৰ মাতৃ বলদেৱ কৌৰে কয় —’ এয়া মোৰ বাবে গৌৰৱৰ বিষয়, মই অত্যন্ত সুখী যে মোৰ পুত্ৰ বিধায়ক হৈছে,আৰু আজি তেওঁ মই কাম কৰা বিদ্যালয়খনলৈ আহিছে’। উল্লেখ্য বলদেব কৌৰে বিদ্যালয়খনত যোৱা ২৫ বছৰ ধৰি কাম কৰি আছে।
আম আদমী পাৰ্টিৰ (আপ) নেতাজনেও একেখন বিদ্যালয়তে অধ্যয়ন কৰিছিল। ইমান দিনে কেৱল অভাৱেই দেখি অহা মাতৃৰ মুখত হাঁহি বিৰিঙাবলৈ সক্ষম হৈছে পুত্ৰ উগোকেই।
বিধায়ক হোৱাৰ পূৰ্বে মাতৃক আৰ্থিক ভাবে সকাহ দিবলৈ উগোকে এখন দোকানত কাম কৰিছিল।
শেহতীয়া নিৰ্বাচনত ভাদাউৰ সমষ্টিৰ পৰা আপৰ টিকট লাভ কৰি উগোকেই পঞ্জাৱৰ শক্তিশালী নেতা তথা প্ৰাক্তন মুখ্যমন্ত্ৰী চান্নীক ৩৭,৫৫০ টা ভোটৰ ব্যৱধানত পৰাজিত কৰিছিল।
তেওঁ ২০১৩ চনত আপত যোগদান কৰিছিল আৰু দলটোত এগৰাকী জনপ্ৰিয় নেতা হিচাবে পৰিগণিত হৈছিল।
