শিশুৰ অন্যতম প্ৰিয় খেল হ’ল লুকাভাকু। শিশুৱে অত্যন্ত গোপন স্থানত লুকাবলৈ চেষ্টা কৰে যাতে সমনীয়াই সহজতে বিচাৰি উলিয়াব নোৱাৰে।কিন্তু এনেকুৱা স্থানত যদি লুকাই পৰে যিটো কোনেও কেতিয়াও চিন্তাই কৰিব নোৱাৰে!
এনে কাণ্ডৰ বাবে কৰ্ণাটকত সংঘটিত হৈছে এক মৰ্মান্তিক ঘটনা যাৰ বাবে দুটি শিশুৱে প্ৰাণ হেৰুৱাবলগীয়া হ’ল। লুকাভাকু খেলি থকাৰ সময়ত সমনীয়াসকলক চমক দিবলৈ শিশু দুটিয়ে এটা পৰিত্যক্ত আইচক্ৰীম ফ্ৰীজাৰত সোমাই পৰে।
তাৰপৰা তেওঁলোকে ওলাই আহিব নোৱাৰিলে। ফলত উশাহ বন্ধ হৈ এটি ১২বছৰীয়া আৰু আনটি ৭ বছৰীয়া কন্যা শিশু মৃত্যুমুখত পৰে। স্বাভাৱকিতে এই ঘটনাই অঞ্চলটোৰ সকলোকে শোকস্তব্ধ কৰি তুলিছে।
লগতে পঢ়ক: ডোনাল্ড ট্ৰাম্পৰ ট্ৰুথ ছ’চিয়েলৰ জনপ্ৰিয়তাত উদ্বিগ্ন এলন মাস্ক! কি হ’ব টুইটাৰৰ?
কৰ্ণাটকৰ মাইশোৰ চহৰৰ সমীপৰ মাছাজ নামৰ এখন গাঁৱত বুধবাৰে এই মৰ্মান্তিক ঘটনাটো ঘটে। এই ঘটনাত ১২বছৰীয়া ভাগ্য আৰু ৭বছৰীয়া কাব্য নামৰ কন্যা শিশু দুটিৰ মৃত্যু ঘটিছে।
আৰক্ষীয়ে জানিবলৈ দিয়া মতে সদায় খেলাৰ দৰে সিদিনাও শিশু দুটিয়ে সমনীয়াৰ সৈতে খেলি আছিল। কিন্তু লুকাভাকু খেলাৰ সময়ত সমনীয়াসকলক চমক দিবলৈ পথৰ কাষৰ এটা পৰিত্যক্ত আইচক্ৰীম গাড়ীৰ ফ্ৰীজাৰত ভাগ্য আৰু কাব্য সোমাই পৰে। ভিতৰৰ পৰা তেওঁলোকে ফ্ৰীজাৰৰ ঢাকনিখনো বন্ধ কৰি দিয়ে।
ইয়াতেই বিপদ আহি পৰে শিশু দুটিৰ। স্বাভাৱিকভাৱে ঢাকনিখন বন্ধ হৈ পৰে। একমাত্ৰ বাহিৰৰ পৰাহে যে সেয়া খোলা সম্ভৱ সেইকথা তেওঁলোকে জনা নাছিল। কিছুসময় পিছতেই উশাহ বন্ধ হৈ মৃত্যু হয় শিশু দুটিৰ।
লগতে পঢ়ক:প্ৰেমিকৰ তেজ শুহি খোৱা হলিউদৰ অভিনেত্ৰী; নিজেই দিলে এই ভয়ংকৰ অভ্যাসৰ স্বীকাৰোক্তি!
কন্যা শিশু দুটি বহু দেৰিলৈকে ঘৰলৈ উভতি নহাত পৰিয়ালৰ লোকে বিচাৰ খোচাৰ আৰম্ভ কৰে। তেওঁলোকৰ সমনীয়াৰ সৈতে কথা পাতি তেওঁলোকে জানিব পাৰে যে তেওঁলোকে সকলোৱে মিলি লুকাভাকু খেলিছিল। কিন্তু এটা সময়ত ভাগ্য আৰু কাব্যক তেওঁলোকে বিচাৰি উলিয়াব নোৱাৰিলে।
সমনীয়া শিশুসকলৰ কথাত অভিভাৱকৰ সন্দেহ হয় আৰু পথৰ পৰিত্যক্ত আইচক্ৰীম গাড়ীৰ ফ্ৰীজাৰ খুলিয়েই চকু থৰ হৈ পৰেপৰিয়ালৰ লোকৰ। ভিতৰত দুটি অবোধ শিশুৰ নিথৰ দেহ।
জানিব পৰা মতে আৰক্ষীক এই ঘটনা অৱগত কৰাৰ পূৰ্বেই পৰিয়ালৰ লোকে শিশু দুটিৰ শেষকৃত্য সম্পন্ন কৰে। এই ঘটনাই সমগ্ৰ অঞ্চলটোতে শোকৰ ছাঁ পেলাইছে।
