যুৱতী-মহিলাৰ বাবে সুৰক্ষিত নহয় নিশাৰ গুৱাহাটী মহানগৰী। নিশাৰ মহানগৰীত যিকোনো মুহূৰ্ততে সংঘটিত হ’ব পাৰে নাৰীজনিত অপৰাধ।
সোমবাৰে নিশা যাতায়তৰ সুবিধাৰ বাবে ৰেপিড’ ব্যৱহাৰ কৰি ৰেপিড’ চালকৰ আক্ৰমণৰ বলি হৈছে এগৰাকী যুৱতী। যুৱতী গৰাকীয়ে জানিবলৈ দিয়া মতে, আক্ৰমণৰ বলি হোৱা যুৱতী গৰাকীয়ে জয়ানগৰৰ পৰা কুমাৰপাৰালৈ ৰেপিড’ বুক কৰিছিল।
প্ৰথম অৱস্থাত অভিযুক্ত ৰেপিড’ চালকজনে যুৱতীগৰাকীক অফলাইনত যাবলৈ জোৰ কৰাৰ লগতে অতিৰিক্ত ধন দাবী কৰে।
কিন্তু যুৱতীগৰাকীয়ে অফলাইন কৰিবলৈ অমান্তি হোৱাত চালকজনে অশালীন ব্যৱহাৰ কৰে। ইয়াৰ পিছতে এটা অন্ধকাৰ পথলৈ নি অশালীন ব্যৱহাৰৰ চেষ্টা চলায় ৰেপিড’ চালকজনে।
চালকজনৰ এনে দুৰ্ব্যৱহাৰৰ বিৰুদ্ধে যুৱতীগৰাকীয়ে বাধা দিবলৈ চেষ্টা কৰাৰ বাবেই হাতত থকা হেলমেটেৰে যুৱতীগৰাকীক আঘাত কৰে অভিযুক্ত চালকজনে।
অৱশ্যে চালকজনৰ পৰা নিজকে ৰক্ষা কৰি দিছপুৰ আৰক্ষীৰ কাষ চাপে ভুক্তভোগী যুৱতীগৰাকী।
যুৱতী গৰাকীৰ অভিযোগৰ ভিত্তিত দিশপুৰ আৰক্ষীয়ে বাইকসহ আটক কৰে অভিযুক্ত দ্বিপেন গোহাঁই নামৰ ৰেপিড’ চালকজনক।
ধৃত দ্বিপেন গোহাঁই বৰ্তমান দিশপুৰ আৰক্ষীৰ জিম্মাত আছে বুলি জানিব পৰা গৈছে।
