চীনে কৈছে যে আমেৰিকাই বিকৃত তথ্য প্ৰচাৰ কৰা আৰু ইয়াৰ মিছাৰ সাম্ৰাজ্যকলৈ কৰা গৌৰৱ বন্ধ কৰা উচিত। চীনৰ বৈদেশিক মন্ত্ৰালয়ৰ অন্যতম মুখপাত্ৰ ঝাও লিজিয়ানে বুধবাৰে ৰাজধানী বেইজিঙত এখন নিয়মীয়া সংবাদ মেলত এইদৰে কয়।
তেওঁ কয়, “তেওঁলোকে ভুল তথ্যৰ ওপৰত গঢ় লৈ উঠা সাম্ৰাজ্যখনক বাধা দিয়া উচিত কিয়নো এইটো সকলোৱে জানে যে আমেৰিকাৰ চৰকাৰ হৈছে বিশ্বৰ আটাইতকৈ ডাঙৰ অপপ্ৰচাৰকাৰী তথা মিছলীয়া চৰকাৰ।‘’
ঝাও লিজিয়ানে লগতে কয়, “আমেৰিকাৰ ৰাজনীতিবিদসকলে সম্পূৰ্ণ মিছা তথ্য প্ৰচাৰ কৰে, কিন্তু এই ভুল আৰু মিছা তথ্যৰ বাবে জীৱন দিবলগীয়া হয় আমেৰিকাৰ সাধাৰণ লোকসকলে।‘’
লগতে পঢ়ক: Mahima Chaudhry স্তনৰ কৰ্কট ৰোগত আক্ৰান্ত মহিমা চৌধুৰী; ছবি শ্বেয়াৰ কৰি অনুপম খেৰে জনালে আন বহু কথা
ঝাও লিজিয়ানে আমেৰিকাৰ মিছা তথ্যৰ উদাহৰণ হিচাপে ইৰাক যুদ্ধৰ কথা উল্লেখ কৰে। তেওঁ কয় যে আমেৰিকা যুক্তৰাষ্ট্ৰই তেতিয়া টিউবত বগা পাউডাৰ দেখুৱাই জনসাধাৰণক বিপথে পৰিচালিত কৰিছিল যে ই এক গণধ্বংসী অস্ত্ৰ আৰু ইয়াৰ অজুহাততে ইৰাকত আক্ৰমণ চলাইছিল যাৰফলত কমেও ২,৫০,০০০ ইৰাকী নাগৰিকে প্ৰাণ হেৰুৱাবলগীয়া হৈছিল।
চিৰিয়াৰ সৈন্যৰ ৰাসায়নিক আক্ৰমণ সম্পৰ্কে তথাকথিত হোৱাইট হেলমেটৰ দ্বাৰা প্ৰচাৰিত ভিডিঅ’সমূহৰ কথা উল্লেখ কৰি লিজিয়ানে কয় যে আমেৰিকা যুক্তৰাষ্ট্ৰৰ বাহিনীয়ে ভুৱা তথ্য প্ৰচাৰ কৰি চিৰিয়াৰ ভিতৰত অতি পৰিকল্পিতভাৱে বিমান আক্ৰমণ চলাই কমেও ১,৬০০ জন নাগৰিকক হত্যা কৰিছে। অৱশ্যে, আমেৰিকা যুক্তৰাষ্ট্ৰৰ চৰকাৰে এতিয়াও সেই আক্ৰমণটো ন্যায়সংগত বুলি দাবী কৰে।
লগতে পঢ়ক: পি-পি-ই কিট,ছেনিটাইজাৰ কেলেংকাৰী; মুখ্যমন্ত্ৰীয়ে আদালতলৈ যাবলৈ ভয় কৰিছে কিয়?-অজিত কুমাৰ ভূঞা
চীনা মুখপাত্ৰজনে কয় যে আমেৰিকাই কৰোনাভাইৰাছ আৰু ইয়াৰ উৎপত্তি আৰু বিস্তাৰৰ বিষয়েও মিছা তথ্য প্ৰদান কৰিছে। ঝাও লিজিয়ানে মন্তব্য কৰে যে এই মিছা তথ্যৰ প্ৰচাৰৰ বাবেই বিশ্বজুৰি আমেৰিকাৰ বিশ্বাসযোগ্যতা আৰু গ্ৰহণযোগ্যতা হ্ৰাস পাইছে।
