তিনিচুকীয়াৰ কাকপথাৰত সেনাৰ সৈতে আলফা (স্বাঃ)ৰ তুমুল সংঘৰ্ষ লগাৰ খবৰ আহিছে।
কাকপথাৰৰ দপথাৰত ঘটিছে এই ঘটনা।
সংঘৰ্ষত নিহত হৈছে আলফা (স্বাঃ)ৰ এজন কেডাৰ।
সেনাৰ সৈতে সংঘৰ্ষত লিপ্ত হৈছিল আলফা (স্বাঃ)ৰ এটা চাৰিজনীয়া দল।
সেনাক লক্ষ্য কৰি দলটোৱে গ্ৰেনেড দলিয়ায় আৰু গুলিচালনা কৰি আক্ৰমণ কৰিছিল বুলি জানিব পৰা গৈছে।
জানিব পৰা মতে ৰূপম অসমৰ নেতৃত্বত আহিছিল এই দলটো।
দলটোত লগতে আছিল ৰিংকু অসম, মৃগাংক অসম আৰু উদয় অসম নামৰ কেডাৰ কেইজন।
ইয়াৰে ৰিংকু অসমৰ গাত গুলি লগা বুলিও জানিব পৰা গৈছে।
ইয়াৰ উপৰিও সেনাৰ গুলিত নিহত হৈছে এজন কেডাৰ।
কিন্তু নিহত কেডাৰজন কোন সেয়া চিনাক্ত হোৱা নাই।
সংঘৰ্ষৰ পাছতেই আলফা (স্বাঃ)ৰ দলটোৱে সেই স্থান ত্যাগ কৰে।
তেওঁলোকে সংঘৰ্ষ হোৱা ঠাইতে দুটা বেগ পেলাই থৈ যোৱা বুলি জানিব পৰা গৈছে।
বেগ দুটাত গ্ৰেণেড থকা বুলি জানিব পৰা গৈছে।
এই ঘটনাৰ পাছতেই সমগ্ৰ কাকপথাৰৰ সমগ্ৰ অঞ্চলটোত চেপা উত্তেজনাই বিৰাজ কৰিছে।
