মাৰ্ঘেৰিটা: Tai-language teaching মাৰ্ঘেৰিটা টাউন হাইস্কুলত শুকুৰবাৰৰ পৰা ডাম চাও গিৰিন মহুং বৰুৱাৰ সোঁৱৰণত এমহীয়া টাই ভাষাৰ পাঠদান কাৰ্য্যসূচী শুভাৰম্ভ কৰা হয়।
কাৰ্য্যসূচীৰ অনুসৰি পুৱা স্মৃতি তৰ্পণ কৰে ম’লুঙ কণক হাটি বৰুৱাই, খ্ৰীংফা উত্তোলন কৰে টাই ভাষা পৰিচালনা সমিতিৰ সভাপতি মান চাও প্ৰণৱ গগৈয়ে।
ইয়াৰ পাছতেই টাই ভাষা পাঠদান কাৰ্য্যসূচীৰ শুভ উদ্বোধন কৰে মাৰ্ঘেৰিটাৰ মহকুমাধিপতি মানচাও পলাশ ৰাজকুমাৰ আহোমে। ডাম চাও গিৰিন মহুং বৰুৱাৰ প্ৰতিচ্ছবিত মাল্যাৰ্পণ কৰে মানচাও কৃষ্ণ কুমাৰ শইকীয়াই।
টাই ভাষা পাঠদানৰ প্ৰয়োজনীয়তা সন্দৰ্ভত কাকপথাৰৰ পৰা অহা মুখ্য আলোচক মানচাও অমৰ দুৱৰাই বক্তব্য প্ৰদান কৰে। সমগ্ৰ অনুষ্ঠানটোৰ আঁত ধৰে টাই ভাষা পৰিচালনা সমিতিৰ সম্পাদক চাও ৰুবুল ফুকনে।
লগতে পঢ়ক: JMB terrorist মহানগৰ আৰক্ষীৰ জালত জামাতুল মুজাহিদীনৰ সদস্য,আপত্তিজনক নথিপত্ৰ জব্দ
আনহাতে, এই উপলক্ষ্যে অনুষ্ঠিত মুকলি সভাত পৌৰহিত্য কৰে চাও প্ৰনৱ গগৈয়ে। এই কাৰ্য্যসূচীত শতাধিক গণ্যমান্য ব্যক্তি তথা প্ৰশিক্ষাৰ্থীসকল উপস্থিত থাকে।
