যোৰাবাটৰ পৰা আৰক্ষীয়ে ওভতাই পঠিয়াইছে সকলো উজনিমুৱা বাহন। ফলত আৱদ্ধ হৈ পৰিছে শতাধিক বাহন।
যোৰাবাটতো সৃষ্টি হৈছে তীব্ৰ যান-জঁটৰ। বিয়লি ২ বজা পৰ্যন্ত বাহাল থাকিব এই নিষেধাজ্ঞা।
জাগীৰোডলৈকে ৰাজধানী সম্প্ৰসাৰণৰ বিৰোধিতাৰে কেইবাটাও জনগোষ্ঠীয় সংগঠনে জাগীৰোডত সাব্যস্ত কৰিছে প্ৰতিবাদ।
প্ৰতিবাদকাৰীসকলে বিশাল প্ৰতিবাদী সমদল বাহিৰ কৰিছে জাগীৰোডৰ ৰাজপথত। ৰাষ্ট্ৰীয় ঘাইপথো অৱৰোধ কৰিছে জনগোষ্ঠীয় সংগঠনসমূহে।
যাৰ ফলত তৎপৰ হৈছে মহানগৰ আৰক্ষী আৰু উজনিমুৱা বাহনসমূহ ওভটাই পঠিয়াইছে।
সদৌ তিৱা ছাত্ৰ সন্থাকে ধৰি আন জাতি-জনগোষ্ঠীয় সংগঠনৰ উদ্যোগত ৰাষ্ট্ৰীয় ঘাইপথ অৱৰোধ কাৰ্য্যসূচী ৰূপায়ন কৰা হৈছে। প্ৰতিবাদকাৰীসকলে কোনোপধ্যে ৰাজধানী জাগীৰোডলৈকে সম্প্ৰসাৰণ হ’বলৈ দিয়া নহ’ব বুলি হুংকাৰ দিছে।
