সমগ্ৰ দেশ খনকে যেন ব্যক্তিগত কোম্পানীৰ হাতত তুলি দিব বিচাৰিছে মোদীৰ চৰকাৰে। ৰে’ল, বিমানৰ পিছত এইবাৰ ডাক সেৱা ব্যক্তিগত খণ্ডক গটাবলৈ ওলাইছে মোদীৰ চৰকাৰে।
শেহতীয়াকৈ দেশৰ বিদ্যুৎ খণ্ডক ছলে বলে কৌশলে মোদীৰ চৰকাৰে ব্যক্তিগতকৰণ কৰাৰ বাবে উঠিপৰি লগাৰ সময়তে এইবাৰ বিজেপি চৰকাৰৰ শেনচকু পৰিছে ডাকঘৰৰ ওপৰতো।
চৰকাৰে ব্যক্তিগত খণ্ডৰ হাতত গতাবলৈ তৎপৰ হৈছে দেশৰৰ ডাকঘৰ সমূহক।
চৰকাৰৰ এই সিদ্ধান্তৰ বিৰুদ্ধে সমগ্ৰ দেশতে ডাক ঘৰৰ কৰ্মচাৰী সকলে পালন কৰিছে এদিনীয়া ধৰ্মঘটৰ কাৰ্যসূচী।
শিৱসাগৰৰ মুখ্য ডাক ঘৰৰ কৰ্মচাৰী সকলে চৰকাৰৰ এই সিদ্ধান্তৰ বিৰুদ্ধে প্ৰতিবাদ সাব্যস্ত কৰা দেখা গ’ল।
কেন্দ্ৰীয় চৰকাৰৰ অধীনত থকা দেশৰৰ ডাক ঘৰ সমুহক ব্যক্তিগতকৰণৰ সিদ্ধান্ত বাতিল কৰা, নতুন পেঞ্চন নীতি আঁতৰাই পুৰণি পেঞ্চন নীতি প্ৰযোজ্য কৰা তথা ডাকঘৰৰ খালী পদ সমুহ শীঘ্ৰে পূৰণ কৰাৰ দাবীৰে এইদৰে ধৰ্মঘট কাৰ্যসূচী পালন কৰে দেশৰ ডাকঘৰৰ কৰ্মচাৰী সকলে।
