বুলগেৰিয়াৰ এগৰাকী মহিলা বিশ্বত চৰ্চা লাভ কৰা এই গৰাকী অন্ধ মহিলাই ভৱিষ্যতৰ সকলো কথাই তেওঁৰ মনৰ চকুৰে চাবলৈ সক্ষম বুলি দাবী কৰিছিল। সেই মৰ্মে তেওঁ ২৬ বছৰ আগতেই কৰি গৈছিল বহু ভৱিষ্যতবাণী। বিশ্বৰ বিভিন্ন দেশকলৈ কৰা সেই ভৱিষ্যতবাণীসমূহ আখৰে আখৰে মিলিছেও। নাম তেওঁৰ বাবা ভাংগা। বাবা ভাংগাই ৯/১১ ৰ সন্ত্ৰাসবাদী আক্ৰমণ আৰু ব্ৰেক্সিটৰ দৰে যিবোৰ ভৱিষ্যতবাণী কৰিছিল সেই সকলো বোৰেই মিলিছে।
ভাৰতৰ বিষয়ে বাবা ভাংগাই কৰি থৈ যোৱা ভৱিষ্যতবাণীয়ে জনসাধাৰণক উদ্বিগ্ন কৰি তুলিছে। তেওঁৰ ভৱিষ্যতবাণী অনুসৰি ভাৰতে ২০২২ চনত দুৰ্ভিক্ষসদৃশ পৰিস্থিতিৰ সাক্ষী হ’বলৈ গৈ আছে। তেওঁ ভৱিষ্যতবাণী কৰিছিল যে ফৰিঙৰ জাকে শস্য আৰু কৃষিক্ষেত্ৰত আক্ৰমণ কৰিব, যাৰ ফলত ভাৰতত দুৰ্ভিক্ষ হ’ব।
বুলগেৰিয়ান ৰহস্যবাদীজনে কৈছিল যে এই বছৰ পৃথিৱীত তাপমাত্ৰা হ্ৰাস পাব, যাৰ ফলত ফৰিঙৰ প্ৰাদুৰ্ভাৱ বৃদ্ধি পাব। লক্ষ্যণীয়ভাৱে ২০২০ চনত ৰাজস্থান, গুজৰাট আৰু মধ্য প্ৰদেশ ৰাজ্যত ফৰিঙৰ বৃহৎ জাকে সন্ত্ৰাসৰ সৃষ্টি কৰিছিল।বাবা ভাংগাৰ প্ৰকৃত নাম আছিল ভেঞ্জেলিয়া গুষ্টেৰোভা। তেওঁৰ উদ্ভট ভৱিষ্যতবাণীৰ বাবে তেওঁক ‘বলকানৰ নষ্ট্ৰাডামাছ’ বুলি কোৱা হৈছিল।
১৯১১ চনত জন্ম গ্ৰহণ কৰা বুলগেৰিয়ান মহিলাগৰাকীয়ে দাবী কৰিছিল যে তেওঁ ঈশ্বৰৰ পৰা এটা অতি বিৰল উপহাৰ লাভ কৰিছিল ,যিয়ে তেওঁক ১২ বছৰ বয়সত এক ধুমুহাৰ সময়ত দৃষ্টি শক্তি হেৰুওৱাৰ পিছত ভৱিষ্যত দেখা পাবলৈ সক্ষম কৰি তুলিছিল।
মৃত্যুৰ ঠিক আগতে বাবা ভাংগাই কেইবাটাও ভৱিষ্যতবাণী এৰি গৈছিল ।
শেহতীয়াকৈ ভাৰতকলৈ কৰা ভৱিষ্যতবাণীৰ বাবে পুনৰ চৰ্চালৈ আহিছে এইগৰাকী মহিলা। তেওঁ ১৯৯৬ চনৰ পূৰ্বেই কৰা প্ৰায় সংখ্যক ভৱিষ্যতবাণী এতিয়া আখৰে আখৰে ফলিয়াইছে।
১৯১১ চনৰ ১১ জানুৱাৰীত বুলগেৰিয়াত জন্মগ্ৰহণ কৰিছিল মহিলাগৰাকীয়ে। মহিলাগৰাকীক জনা যায় বাবা ভাংগা হিচাপে। মহিলাগৰাকীৰ ভৱিষ্যবাণীৰ ওপৰত চলিছে গৱেষণা। আনকি আচৰিত হৈ পৰিছে বিজ্ঞানীসকলো।
১২ বছৰ বয়সত গোচটেৰ’ভাই দৃষ্টিশক্তি হেৰুৱাই পেলাইছিল।তাৰ পিছতে তেওঁ লাভ কৰিছিল ভৱিষ্যত দৰ্শনৰ বিশেষ শক্তি। ১৯৯৬ চনত ৮৫ বছৰ বয়সত মৃত্যু হৈছিল বাবা ভাংগাৰ। কিন্তু তাৰ পূৰ্বে বাবা ভাংগাই কৰি গৈছে ভৱিষ্যতাণী। আৰু সময়ে সময়তে সঁচা প্ৰমাণিত হৈছে ভৱিষ্যতবাণী।
ছোভিয়েট ৰাছিয়াৰ ভংগ,ৰাণী ডায়েনাৰ মৃত্যু, ৱৰ্ল্ড ট্ৰেড চেণ্টাৰত সন্ত্ৰাসবাদীৰ আক্ৰমণ, ২০০৪ চনত ভাৰত মহাসাগৰত হোৱা ছুনামী আদি ভৱিষ্যবাণী সঁচা প্ৰমাণিত হৈছে। বাবাৰ ভাংগাৰ মতে ৫০৭৯ ত পৃথিৱী ধ্বংস হ’ব । ভাৰতৰ বিষয়ে বাবা ভাংগাই কৰা ভৱিষ্যতবাণী ভালে খিনি ফলিয়াবলৈ ধৰা পৰিলক্ষিত হৈছে। কাৰণ দেশৰ বহু ৰাজ্যতে এতিয়া তীব্ৰ খৰাঙৰ সংহাৰ চলিছে। কমি গৈছে খাদ্য শস্যৰ উৎপাদনো। এনে পৰিস্থিতিত বাবা ভাংগাই কৈ যোৱাৰ দৰে ভাৰতত দুৰ্ভিক্ষ সদৃশ পৰস্থিতিৰ সৃষ্টি হোৱাটো একো আচৰিত হ’বলগীয়া কথা হৈ নাথাকিব।
