ভাৰতে চীন, ৰাছিয়া আৰু আন কেইবা খনো দেশৰ সেনাৰ সৈতে ৰাছিয়াত আৰম্ভ কৰিছে সপ্তাহজোৰা কমাণ্ড এক্সাৰচাইজ ভষ্টক – ২০২২ শীৰ্ষক সামৰিক অনুশীলনক। চীন-ৰাছিয়াৰ সেনাৰ সৈতে ভাৰতীয় সেনাই আৰম্ভ কৰা এই সামৰিক অনুশীলনকলৈ ভাৰতৰ বিৰুদ্ধে তীব্ৰ ক্ষোভ ব্যক্ত কৰিছে আমেৰিকাই।
ৰাছিয়াৰ পূব সামৰিক জিলাৰ প্ৰশিক্ষণ ক্ষেত্ৰত কালিৰে পৰা আৰম্ভ হোৱা কমাণ্ড এক্সাৰচাইজ ভষ্টক – ২০২২ ৭ ছেপ্টেম্বৰলৈকে চলিব বুলি জানিব পৰা গৈছে।
এই সামৰিক অনুশীলনৰ প্ৰসংগত ভাৰতৰ প্ৰতিৰক্ষা মন্ত্ৰালয়ে এক বিবৃতিত কয়” এই অনুশীলনৰ উদ্দেশ্য হৈছে অন্যান্য অংশগ্ৰহণকাৰী সামৰিক দল আৰু পৰ্যবেক্ষকসকলৰ মাজত সমন্বয়ৰ পৰিবেশ ৰচনা কৰা” । এই সামৰিক অনুশীলনত ভাৰতৰ গোৰ্খা ৰাইফলছৰ সৈন্যই যোগদান কৰিছে। সামৰিক অনুশীলন আৰম্ভ হোৱাৰ পিছতে প্ৰতিক্ৰিয়া ব্যক্ত কৰি আমেৰিকা যুক্তৰাষ্ট্ৰই কয় যে ৰাছিয়াৰ সৈতে যুটীয়া সামৰিক অনুশীলনত ভাৰতে অংশগ্ৰহণ কৰাৰ বাবে তেওঁলোক “চিন্তিত”৷
ভষ্টক সামৰিক অনুশীলনত বিভিন্ন দেশৰ ৫০,০০০ সৈন্য ই অংশগ্ৰহণ কৰিছে। সামৰিক অনুশীলনত ৫,০০০ তকৈও অধিক অস্ত্ৰৰ প্ৰশিক্ষণ প্ৰদান কৰা হ’ব।এই সামৰিক অনুশীলনত ১৪০ খন যুদ্ধ বিমান আৰু ৬০ খন যুদ্ধ জাহাজে অংশ লৈছে।
