কামত অসন্তুষ্ট! পাঁচজন কনিষ্ঠ আৰক্ষী বিষয়াক দুঘণ্টাৰ বাবে জে’লত ভৰালে এছপিয়ে, তাৰপিছত…

কামত অসন্তুষ্ট হৈ বিহাৰ আৰক্ষীৰ পাঁচজন কনিষ্ঠ বিষয়াক দুঘণ্টাৰ বাবে কাৰাবাস দিয়াৰ ঘটনা পোহৰলৈ আহিছে। ঘটনাটোৰ ভিডিঅ’ ছচিয়েল মিডিয়াত ভাইৰেল হৈ পৰিছে। এই ঘটনাকলৈ ইতিমধ্যে ব্যাপক চৰ্চা হৈছে। বহুতে এই ঘটনাক ঔপনিৱেশিক যুগৰ বৰ্বৰতাৰ সৈতে তুলনা কৰিছে।

ইপিনে, সাংবাদিকে ফোনযোগে সংশ্লিষ্ট বিষয়াজনৰ সৈতে বাৰে বাৰে যোগাযোগ কৰিবলৈ চেষ্টা কৰা স্বত্বেও তেওঁ ফোনটো ধৰা নাছিল। এছএমএছ-ৰো কোনো সঁহাৰি দিয়া নাছিল।

শনিবাৰে, বিহাৰ আৰক্ষী সংস্থাই এই ঘটনাটোক গৰিহণা দিয়ে আৰু “ন্যায়িক তদন্ত” দাবী কৰে।

লগতে পঢ়ক: ইডিৰ তালাচী: প্ৰায় ১৫ ঘণ্টাৰ মাৰাথন অভিযানত আমিৰ খানৰ ঘৰৰ পৰা উদ্ধাৰ ১৮ কোটি টকা

ঘটনাটো বৃহস্পতিবাৰে নিশা সংঘটিত হৈছিল। নয়ৱাদা জিলাৰ এখন আৰক্ষী থানাত কৰ্তব্যৰত পাঁচজন আৰক্ষী বিষয়াৰ কামত অসন্তুষ্ট হোৱাৰ পিছত আৰক্ষী অধীক্ষক গৌৰৱ মংলাই তেওঁলোকক দুঘণ্টাৰ বাবে কাৰাগাৰলৈ নিক্ষেপ কৰে। তেওঁলোকৰ ভিতৰত তিনিজন সহকাৰী উপ-পৰিদৰ্শক আৰু দুজন উপ-পৰিদৰ্শক আছিল।

যদিও এছপিগৰাকীয়ে ঘটনাটো “ভুৱা” আছিল দাবী কৰিছে, ভাইৰেল ভিডিঅ’টোৱে কিন্তু সম্পূৰ্ণৰূপে আন এখন ছবিহে দাঙি ধৰিছে। জ্যেষ্ঠ বিষয়াসকলৰ সৈতে বাৰে বাৰে যোগাযোগ কৰিবলৈ চেষ্টা কৰা হয় যদিও তেওঁলোকে বিষয়টোত কোনো মন্তব্য কৰা নাই।

লগতে পঢ়ক: তিক্ততা অতীত! ৰাণীৰ মৃত্যুৰ পিছত একেলগে ডায়েনাৰ দুই পুত্ৰ হেৰী-উইলিয়াম

আৰক্ষী সংস্থাৰ সভাপতি মৃত্যুঞ্জয় কুমাৰ সিঙে এটা বিবৃতিত কয় যে এছপিৰ সৈতে যোগাযোগ কৰাৰ চেষ্টা কৰা হৈছিল যদিও তেওঁ কোনো সঁহাৰি দিয়া নাছিল। “ঘটনাটোৰ পিছতে, আমি আমাৰ নয়ৱাদা গোটৰ পৰা ঘটনাটোৰ বিষয়ে তথ্য পাইছিলো আৰু আৰক্ষী কৰ্মীৰ হোৱাটছএপ গোটতো এই বিষয়ে আলোচনা কৰা হৈছিল। এনে ধৰণৰ ঘটনাই ঔপনিৱেশিক যুগৰ বৰ্বৰতাৰ কথা মনত পেলাই দিয়ে। এই ঘটনাত বিহাৰ আৰক্ষী লজ্জানত হৈছে। আমি ন্যায়িক তদন্ত আৰু চিচিটিভি ফুটেজৰ পুংখানুপুংখ তদন্তৰ দাবী জনাইছো।‘’

बिहार पुलिस का हाल

नवादा में SP ने लापरवाही बरतने के कारण 2 दारोगा और 3 ASI को 2 घंटे तक थाने के लॉकअप में बंद कर दिया. पुलिस एसोसिएशन ने SP पर कार्रवाई की माँग की. pic.twitter.com/FpF4ye9KOb

— UKan (@UKanMovement) September 10, 2022

সংস্থাৰ ফালৰ পৰা লগতে দাবী কৰা হৈছে, “অভিযোগটো হ’ল যে এছপিয়ে বিষয়টো ঢাকি থবলৈ আৰক্ষী বিষয়াসকলক হেঁচা প্ৰয়োগ কৰি আছে। চিচিটিভি ফুটেজ বিলোপ কৰাৰ প্ৰয়াস কৰা হৈছে। শীঘ্ৰে এটা তদন্ত আৰম্ভ কৰিব লাগে আৰু আইপিচিৰ ধাৰাৰ অধীনত এছপিৰ বিৰুদ্ধে এজাহাৰ দাখিল কৰিব লাগে।‘’