এতিয়াৰ পৰা বাহনৰ খিৰিকীৰ গ্লাছত লগাব নোৱাৰিব ক’লা নেট: ভৰিব লাগিব জৰিমনা

ৰাজ্যত যান-বাহনৰ খিৰিকীৰ গ্লাছত এতিয়াৰ পৰা লগাব নোৱাৰিব ক’লা ৰঙৰ নেট। ক’লা ৰঙৰ নেটৰ ব্যৱহাৰত প্ৰতিবন্ধকতা আৰোপ কৰি মঙলবাৰে অসম আৰক্ষীয়ে এক বিবৃতি জাৰি কৰিছে।

সাধাৰণতে বাহনৰ খিৰিকীত ক’লা গ্লাছ ব্যৱহাৰ নিষিদ্ধ আছিল যদিও বহু লোকে খিৰিকীত ক’লা ৰঙৰ নেট ব্যৱহাৰ কৰিছিল। কিন্তু কালি প্ৰকাশ কৰা আৰক্ষীৰ বিবৃতিটোৱে নেট ব্যৱহাৰো নিষিদ্ধ বুলি ঘোষণা কৰিছে।

অসম আৰক্ষীয়ে মঙলবাৰে অফিচিয়েল টুইটাৰ হেণ্ডেলত এক টুইট যোগে এনে নেটৰ ব্যৱহাৰ কৰিলে বাহনৰ গৰাকীক জৰিমনা আৰোপ কৰা হ’ব বুলি ঘোষণা কৰিছে।

Black is Black, no matter what!

It has been observed that some people are using Black Net in place of Black Tinting on Vehicle Windows.

We want to reiterate that use of Black Film or Black Net on Vehicles, both attract Fines.

Opaque Black Net is not the same as a Sunscreen.

— Assam Police (@assampolice) September 13, 2022

উল্লেখ্য যে ২০১২ চনত উচ্চতম ন্যায়ালয়ে ভাৰতত অটোমোবাইলৰ খিৰিকীত ক’লা ৰঙৰ গ্লাছ আৰু ‘চান ফিল্মছ’ৰ ব্যৱহাৰ অবৈধ ঘোষণা কৰিছিল।

চলন্ত বাহনৰ ক্ষেত্ৰত অত্যধিক দুৰ্ঘটনা সংঘটিত হোৱাৰ পিছত যাত্ৰীসকলৰ সুৰক্ষাৰ উদ্দেশ্যে এই নিষেধাজ্ঞা কাৰ্যকৰী কৰা হৈছিল।