ছুইডেনৰ প্ৰথম মহিলা প্ৰধানমন্ত্ৰী মাগদালেনা এণ্ডাৰছনে দেওবাৰৰ নিৰ্বাচনত তেওঁৰ চৰকাৰ পৰাজিত হোৱাৰ পিছত পদত্যাগ কৰিছে।
মাগদালেনা এণ্ডাৰ্ছনৰ ছ’চিয়েল ডেমক্ৰেটিক পাৰ্টিয়ে সোঁপন্থী দলটোৰ হাতত সামান্যভাৱে পৰাজিত হয়। বিৰোধীৰ ১৭৬ খন আসনৰ বিপৰীতে তেওঁৰ দলে ১৭৩ খন আসন লাভ কৰে।
মডাৰেট পাৰ্টিৰ নেতা উলফ ক্ৰিষ্টাৰ্ছনে এতিয়া চৰকাৰ গঠন কৰিব বুলি আশা কৰা হৈছে।
লগতে পঢ়ক: ক্ষুব্ধ চীন! টাইৱানকলৈ ঐতিহাসিক সিদ্ধান্ত ল’ব বিচাৰিছে আমেৰিকা যুক্তৰাষ্ট্ৰই!
উল্লেখ্য যে বুধবাৰে ষ্টকহোমত এখন সংবাদমেলত কৈছিল মাগদালেনা এণ্ডাৰছনে যে তেওঁ বৃহস্পতিবাৰে পদত্যাগ পত্ৰ দাখিল কৰিব। দেওবাৰে অনুষ্ঠিত ছুইডেনৰ সাধাৰণ নিৰ্বাচনত ৰক্ষণশীল দলসমূহৰ এক মিত্ৰজোঁট শাসকীয় দলতকৈ সামান্য ব্যৱধানত বিজয়ী হয়।
দেশৰ প্ৰথম গৰাকী মহিলা প্ৰধানমন্ত্ৰী মাগদালেনা এণ্ডাৰছনে কালি কৈছিল যে চূড়ান্ত ফলাফল ঘোষণা হোৱাৰ আগতে তেওঁ পদত্যাগ কৰিব।
তেওঁ কয়, “সংসদত, ৰক্ষণশীলসকল এক বা দুখন আসনত আমাতকৈ আগবাঢ়ি থাকিব। যদিও ব্যৱধানটো কম, ই সংখ্যাগৰিষ্ঠতা সূচায়। গতিকে মই নিৰ্বাচনৰ ফলাফল গ্ৰহণ কৰিছো আৰু পদটো এৰিবলৈ সিদ্ধান্ত লৈছো।‘’
প্ৰধানমন্ত্ৰী মাগদালেনা এণ্ডাৰছনৰ নেতৃত্বত ছ’চিয়েল ডেমক্ৰেটিক পাৰ্টিয়ে বুধবাৰে ৯৯ শতাংশ সমষ্টিৰ গণনা কৰাৰ পিছত ৩৪৯ খন আসনৰ ভিতৰত ১৭৩ খন আসন লাভ কৰে। আনহাতে, মধ্যপন্থী, ছুইডেন ডেমক্ৰেট, খ্ৰীষ্টান ডেমক্ৰেট আৰু লিবাৰেলৰ মিত্ৰজোঁটে ১৭৬ খন আসন লাভ কৰে।
লগতে পঢ়ক: Vladimir Putin: পুটিনক হত্যাৰ ষড়যন্ত্ৰ! মাৰাত্মক আক্ৰমণৰ পৰা কথমপি ৰক্ষা পৰিছে ৰাছিয়াৰ ৰাষ্ট্ৰপতি
যোৱা বছৰ নৱেম্বৰত ষ্টিফান লফভেনৰ পদত্যাগৰ পিছত ছ’চিয়েল ডেমক্ৰেটিক পাৰ্টিৰ নেত্ৰী মাগদালেনা এণ্ডাৰছন ছুইডেনৰ প্ৰধানমন্ত্ৰী হৈছিল। প্ৰধানমন্ত্ৰীৰ দায়িত্ব লোৱাৰ আগতে মাগদালেনা সাত বছৰ ছুইডেনৰ বিত্ত মন্ত্ৰী আছিল।
