ক্ৰমাৎ অধিক বিধ্বংসী হৈ পৰিছে ৰাছিয়া-ইউক্ৰেইনৰ যুদ্ধ । বহুতে এই যুদ্ধকলৈ তৃতীয় বিশ্বযুদ্ধৰো আশংকা কৰিছে। মস্কোৰ বিৰুদ্ধে নিষেধাজ্ঞাই কোনো কাম কৰা নাই। আমেৰিকা যুক্তৰাষ্ট্ৰই ইউক্ৰেইনৰ বাবে আৰু ২৭০ মিলিয়ন ডলাৰৰ সামৰিক সাহায্যৰ প্ৰতিশ্ৰুতি দিছে, যাৰ ভিতৰত আছে অত্যাধুনিক ড্ৰোনৰ যোগানো।এনে প্ৰশ্ন উঠি থকাৰ সময়তে আজি ৰাষ্ট্ৰসংঘৰ মজিয়াত মেক্সিকোৰ প্ৰতিনিধিয়ে এক তাৎপৰ্যপূণ মন্তব্য কৰে।
প্ৰধানমন্ত্ৰী নৰেন্দ্ৰ মোদীয়েহে হেনো ৰাছিয়া-ইউক্ৰেইনৰ যুদ্ধ বন্ধ কৰিব পাৰিব। মেক্সিকোৰ বৈদেশিক মন্ত্ৰী কাচাউবনে যুদ্ধ বন্ধ কৰাৰ বাবে ৰাষ্ট্ৰসংঘক এখন সমিতি গঠন কৰাৰ প্ৰস্তাৱ দিছে। সেই সমিতিত ভাৰতৰ প্ৰধানমন্ত্ৰী নৰেন্দ্ৰ মোদী, পোপ ফ্ৰান্সিছক ৰখাৰ লগতে ৰাষ্ট্ৰসংঘৰ মহাসচিব এণ্টনিঅ’ গুটেৰেছে এই আলোচনাত মধ্যস্থতা কৰিব লাগে বুলি তেওঁ কয়। বুলি মেক্সিকোৰ প্ৰতিনিধিয়ে কয়। আজি ৰাষ্ট্ৰসংঘৰ মজিয়াত এই প্ৰস্তাৱটো দিয়ে মেক্সিকোৰ মেক্সিকোৰ বৈদেশিক মন্ত্ৰী কাচাউবনে ।প্ৰধানমন্ত্ৰী মোদীয়ে পুটিনকঅলপতে সাক্ষাৎ কৰাৰ কেইদিনমান পিছতে এনে ধৰণৰ প্ৰস্তাৱ দিয়া হৈছে। পুটিনক সাক্ষাতৰ সময়ত মোদীয়ে এইবুলি কৈছিল “আজিৰ যুগ যুদ্ধৰ যুগ নহয়”। মোদীৰ এনে মন্তব্যৰ পিছতে মোদীয়ে পুটিনক যুদ্ধ বন্ধ কৰিবলৈ সৈমান কৰিব পাৰিব বুলি মেক্সিকোৰ বৈদেশিক মন্ত্ৰী কাচাউবনে ধাৰণা কৰিছে।
ৰাছিয়া-ইউক্ৰেইনৰ মাজত লগা যুঁজ খন এতিয়া কেৱল দুখন দেশৰ মাজৰ যুঁজ হৈ থকা নাই। এই যুদ্ধই বিশ্বৰ আন বহু দেশৰ ৰাজনৈতিক তথা কূটনৈতিক ক্ষেত্ৰ খনতো ব্যাপক প্ৰভাৱ পেলাইছে। বিশ্বৰ বহু দেশে ৰাছিয়াক সমৰ্থন কৰাৰ বিপৰীতে বহু দেশে আকৌ ইউক্ৰেইনৰ সমৰ্থনত থিয় দিছে।
আজাৰবাইজানে এই যুদ্ধৰ সময়ত সময়ত ৰাছিয়াৰ সপক্ষে থিয় দিছে। ৰাছিয়াৰ ৰাষ্ট্ৰপতিয়ে আৰ্মেনিয়া আৰু আজাৰবাইজানৰ মাজত যুদ্ধবিৰতিৰ পৰিবেশ ৰচনা কৰাৰ কৃতজ্ঞতা স্বৰূপেই আজাৰবাইজানে ৰাছিয়াক মৌন সমৰ্থন জনাইছে।
ৰাছিয়াৰ প্ৰতি ইৰাণৰো সমৰ্থন থকাৰ কথা বিভিন্ন মহলত আলোচনা হৈছে।
ৰাছিয়াই ইৰানক অস্ত্ৰৰ যোগান ধৰিছিল আৰু চিৰিয়াৰ যুদ্ধৰ সময়ত ইৰানৰ সৈতে সহযোগিতা কৰিছিল।
সেয়ে ইৰাণে ৰাছিয়াক আন্তৰিকতাৰে সমৰ্থন কৰিব বুলি আশা কৰা হৈছে।
তদুপৰি ইৰানৰ বিৰুদ্ধে আমেৰিকা যুক্তৰাষ্ট্ৰই নিষেধাজ্ঞা আৰোপ কৰি থৈছে। সেয়ে আমেৰিকাই সমৰ্থন কৰা ইউক্ৰেইনক ইৰানে সমৰ্থন কৰাৰ প্ৰশ্নই নুঠে।
ইউক্ৰেইন আক্ৰমণৰ প্ৰসংগত চীনেও ৰাছিয়াক আনে দেখাকৈ নহ’লেও পৰোক্ষ ভাবে সমৰ্থন জনাইছে। চীনে ৰাষ্ট্ৰসংঘত ৰাছিয়াৰ বিৰুদ্ধে ভোটদানৰ পৰা বিৰত আছে। দৰাচলতে চীন ৰাছিয়াৰ অন্যতম মুখ্য বাণিজ্যিক অংশীদাৰ। যোৱা কেইবছৰমানৰ পৰা মস্কোৱে বেইজিংৰ সৈতে ইয়াৰ বাণিজ্যিক সম্পৰ্ক শক্তিশালী কৰি তুলিছে।
সামৰিক বাহিনীৰ তথা মহাকাশ সম্পৰ্কীয় কাৰ্যসূচীত চীনে ৰাছিয়াৰ সৈতে বহু সময়ত সহযোগিতাৰে কাম কৰিছে।
বেলাৰুছ, আৰ্মেনিয়া, কাজাখস্তান, কিৰগিজস্তান আৰু কিৰগিজস্তানকে ধৰি যিবোৰ দেশ এসময়ত ছোভিয়েট ইউনিয়নৰ অংশ আছিল সেইবোৰ দেশেও ৰাছিয়াৰ কাষত থিয় দিয়াৰ সম্ভাৱনা প্ৰৱল।
পুটিনক সমৰ্থন আগবঢ়াইছে ৰাছিয়াৰ ঘনিষ্ঠ সহযোগী কিউবাই। ইপিনে ৰাছিয়া আৰু ইউক্ৰেইনৰ সৈতে থকা সুসম্পৰ্কৰ বাবে ভাৰতে নিৰপেক্ষ স্থিতি বজাই ৰাখিছে।
