ইউক্ৰেইনত এতিয়া তুমুল যুদ্ধ চলি আছে। ৰাছিয়াই পাৰমাণৱিক অস্ত্ৰ ব্যৱহাৰ কৰিব পাৰে বুলি শংকাৰ সৃষ্টি হোৱাৰ সময়তে ৰাছিয়া ভ্ৰমণ কৰিব ভাৰতৰ বৈদেশিক দপ্তৰৰ মন্ত্ৰী এছ জয়শংকৰে। উল্লেখ্য যুদ্ধ আৰম্ভ হোৱাৰ পিছত প্ৰথমবাৰৰ বাবে ভাৰতৰ বৈদেশিক পৰিক্ৰমা মন্ত্ৰী এছ জয়শংকৰে মস্কো ভ্ৰমণ কৰিব ।
এই ভ্ৰমণৰ সময়ত জংশকৰে ৰাছিয়াৰ বিদেশ মন্ত্ৰী চাৰ্গেই লাভৰভৰ সৈতে আলোচনা কৰিব।ৰাছিয়াৰ বৈদেশিক মন্ত্ৰালয়ৰ মুখপাত্ৰ মাৰিয়া জাখাৰোভাই কয়” ৰাছিয়াৰ বৈদেশিক মন্ত্ৰী চাৰ্গেই লাভাৰভে ৮ নৱেম্বৰত মস্কোত ভাৰতৰ বৈদেশিক পৰিক্ৰমা মন্ত্ৰী এছ জয়শংকৰৰ সৈতে আলোচনা কৰিব,” ।
মন্ত্ৰীদুগৰাকীয়ে দ্বিপাক্ষিক সম্পৰ্ক উন্নীতকৰণ আৰু কেতবোৰ আন্তঃৰাষ্ট্ৰীয় কাৰ্যসূচীৰ বিষয়ে আলোচনা কৰিব । অৱশ্যে, জয়শংকৰৰ প্ৰস্তাৱিত ভ্ৰমণ সন্দৰ্ভত ভাৰতৰ বৈদেশিক পৰিক্ৰমা মন্ত্ৰালয়ৰ তৰফৰ পৰা পৰা কোনো আনুষ্ঠানিক ঘোষণা কৰা হোৱা নাই৷
এই বছৰৰ ফেব্ৰুৱাৰীত ইউক্ৰেইন সংঘৰ্ষ আৰম্ভ হোৱাৰ পিছতে ভাৰতৰ প্ৰধানমন্ত্ৰী নৰেন্দ্ৰ মোদীয়ে ৰাছিয়াৰ ৰাষ্ট্ৰপতি ভ্লাদিমিৰ পুটিনৰ লগতে ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিৰ সৈতেও কেইবাবাৰো কথা পাতিছিল। এই মাহৰ আৰম্ভণিতে জেলেনস্কিৰ সৈতে হোৱা টেলিফোনিক বাৰ্তালাপত মোদীয়ে কৈছিল যে “যুদ্ধৰ সমাপ্তি কোনো সামৰিক পন্থাৰে” হ’ব নোৱাৰে ।
