হয়তো শীঘ্ৰেই সমগ্ৰ দেশৰ আৰক্ষীয়ে একেই ইউনিফৰ্ম অৰ্থাৎ ঐক্যপোছাক পিন্ধিব। প্ৰধানমন্ত্ৰী নৰেন্দ্ৰ মোদীয়ে এই প্ৰস্তাৱেই দিছে। এক ৰাষ্ট্ৰ, এটা ৰেচনৰ পিছত, এইবাৰ প্ৰধানমন্ত্ৰীয়ে একেটা ইউনিফৰ্মৰ বিষয়ত গুৰুত্ব দিছে। মোদীয়ে ৰাজ্যৰ গৃহ মন্ত্ৰীসকলৰ বৈঠকত উপস্থিত থাকি মোদীয়ে এনেদৰে কয়।
তেওঁৰ মতে, এই সিদ্ধান্ত ৰাজ্যসমূহৰ ওপৰত আৰোপ কৰা হোৱা নাই, কিন্তু দেশৰ ভিতৰত একতা বৃদ্ধিৰ বাবে এই পদক্ষেপ ল’ব পাৰি। ‘চিন্তন শিবিৰ’ৰ দ্বিতীয় দিনা বিভিন্ন ৰাজ্যৰ গৃহমন্ত্ৰীসকলক সম্বোধন কৰি মোদীয়ে কয়, “এক ৰাষ্ট্ৰ,এক ৰেচন কাৰ্ডৰ দৰে আমি সমগ্ৰ দেশৰ আৰক্ষীৰ বাবে একেই ইউনিফৰ্ম প্ৰৱৰ্তন কৰিব পাৰোঁ। মই সন্মত যে প্ৰতিখন ৰাজ্যৰ এটা বেলেগ চিহ্ন আছে। কিন্তু ৰাজ্যসমূহে এই বিষয়টোৰ বিষয়ে ভাবিব পাৰে। এই ধাৰণাটো ভৱিষ্যতে কাৰ্যকৰী কৰা হ’ব পাৰে। “
দৰাচলতে সমগ্ৰ ভাৰতৰ আৰক্ষীয়ে খাকী ইউনিফৰ্ম পিন্ধে। কিন্তু বহু ৰাজ্যত ইয়াৰ ৰং সলনি হৈছে। ফলস্বৰূপে প্ৰতিখন ৰাজ্যৰ আৰক্ষীক পৃথকে চিনাক্ত কৰিব পাৰি।
চিন্তন শিবিৰৰ প্ৰথম দিনা কেন্দ্ৰীয় গৃহমন্ত্ৰী অমিত শ্বাহৰ কণ্ঠতো একে ধৰণৰ কথাই শুনা গ’ল। তেওঁ কয় যে সমগ্ৰ দেশতে একে ধৰণৰ আইন প্ৰস্তুত কৰা উচিত। কেৱল এনেদৰেই ৰাজ্যসমূহত অপৰাধৰ প্ৰৱণতা হ্ৰাস কৰিব পাৰি।
তেওঁ ২০২৪ চনৰ ভিতৰত প্ৰতিখন ৰাজ্যতে এনআইএ কাৰ্যালয় খোলাৰ পৰামৰ্শ দিয়ে। অমিত শ্বাহে কয় যে সমগ্ৰ দেশৰ সকলো অপৰাধীৰ তথ্যও একে ঠাইতে লিপিবদ্ধ কৰিব লাগে।
