আৰক্ষীয়ে ঘৰৰ পৰা এজন কিশোৰৰ মৃতদেহ উদ্ধাৰ কৰে। ল’ৰাটোৱে তেওঁৰ মাকৰ শাৰী পিন্ধি আছিল আৰু মেক-আপ কৰিছিল। দেওবাৰে তেওঁৰ মৃতদেহ উদ্ধাৰ কৰা হৈছিল। দিল্লীৰ নজফগড়ত সংঘটিত হৈছিল এই ঘটনাটো।
প্ৰথমতে আৰক্ষীয়ে সন্দেহ কৰে যে কিশোৰজনে ইণ্টাৰনেটৰ বাবে এটা ভিডিঅ’ শ্বুটিং কৰি আছিল। সেই সময়ত দুৰ্ঘটনাটো সংঘটিত হ’ব পাৰে। আৰক্ষীয়ে সন্দেহ কৰিছে যে কিশোৰজন ইনষ্টা ৰিল (ইনষ্টাগ্ৰামৰ বাবে) প্ৰস্তুত কৰিবলৈ যাওঁতে মৃত্যুবৰণ কৰিব পাৰে।
লগতে পঢ়ক: আকাশত ৰঙা চন্দ্ৰ! আজি বছৰটোৰ অন্তিম পূৰ্ণগ্ৰাস চন্দ্ৰগ্ৰহণ; ক’ত, কেতিয়া দেখা পোৱা যাব এই বিৰল গ্ৰহণ?
আৰক্ষীয়ে কয় যে এয়া দুৰ্ঘটনাজনিত মৃত্যু নে আত্মহত্যা সেয়া অৱশ্যে মৰণোত্তৰ পৰীক্ষাৰ প্ৰতিবেদন পোৱাৰ পিছতহে স্পষ্ট হ’ব।
আৰক্ষীয়ে জানিবলৈ দিছে যে ঘটনাটো সংঘটিত হোৱাৰ সময়ত ঘৰত কোনো নাছিল। কিশোৰটিৰ মাক-দেউতাক বজাৰলৈ গৈছিল। তেওঁলোক ঘৰলৈ উভতি আহি পুত্ৰক ওলমি থকা দেখিছিল। কিশোৰটিৰ পিতৃ-মাতৃয়ে কৈছিল যে তেওঁলোকৰ পুত্ৰ মোবাইলৰ প্ৰতি আসক্ত আছিল। আৰক্ষীয়ে কিশোৰটিৰ মোবাইল ফোনটো জব্দ কৰিছে।
লগতে পঢ়ক:১ লাখ নিযুক্তিৰ প্ৰতিশ্ৰুতি দিয়া ৰাজ্য চৰকাৰে বিলুপ্ত কৰিলে ৮০০০ খালী হৈ থকা নিয়মীয়া শিক্ষকৰ পদ!
এজন আৰক্ষী বিষয়াই জনায় যে ঘৰটোৰ পৰা কোনো চুইচাইড নোট উদ্ধাৰ কৰা হোৱা নাই। অৱশ্যে এই মৃত্যুৰ সৈতে আন কোনো সম্পৰ্ক আছে নেকি তাক চাবলৈ কিশোৰটিৰ ম’বাইলটো পৰীক্ষা কৰি আছে।
