বিহাৰত ধৰ্মীয় শোভাযাত্ৰাত তীব্ৰবেগী ট্ৰাকৰ খুন্দাত নিহত কমেও ১২ জন লোক

At least 12 people killed as speeding truck rams ধৰ্মীয় শোভাযাত্ৰাত অংশগ্ৰহণ কৰিছিল লোকসকলে। পদযাত্ৰাৰ সময়তে হঠাতে এখন ট্ৰাক তেওঁলোকৰ পিনে তীব্ৰ গতিৰে আহি খুন্দিয়ায়। মুহূৰ্তৰ ভিতৰতে ট্ৰাকে পদযাত্ৰাত অংশগ্ৰহণ কৰা কেইবাজনো লোকক পিষ্ট কৰে। ঘটনাটোত মহিলা আৰু শিশুসহ কমেও ১২ জন লোকে প্ৰাণ হেৰুৱাইছে। আন কেইবাজনো আহত হৈছে। বিহাৰৰ বৈশালীত এই ঘটনা সংঘটিত হৈছে।

বাতৰি অনুসৰি, দেওবাৰে আবেলি উত্তৰ বিহাৰৰ বৈশালী জিলাত এক ধৰ্মীয় পদযাত্ৰা উলিওৱা হয়। নিশা প্ৰায় ৯ বজাত ভক্তসকলে স্থানীয় দেৱতা ভূমিয়া বাবাৰ উপাসনা কৰিবলৈ পিপুল গছৰ সন্মুখত একত্ৰিত হৈছিল। যেতিয়া পূজা আৰম্ভ হৈছিল তেতিয়াই তীব্ৰ গতিৰে লৰি আহে এখন ট্ৰাক। চকুৰ পলকতে মহতিয়াই নিয়ে উপস্থিত ভক্তসকলক।

লগতে পঢ়ক: এখন এখনকৈ ৪৮ খন বাহনক খুন্দা মাৰিলে টেংকাৰে; পুনেত ভয়ংকৰ দুৰ্ঘটনাত আহত বহুলোক

দুৰ্ঘটনাটোত শিশু আৰু মহিলাসহ কমেও ১২ জন লোক নিহত হৈছে। আন কেইবাজনো গুৰুতৰভাৱে আহত হৈছে। আহতসকলক হাজিপুৰ সদৰ চিকিৎসালয়লৈ লৈ যোৱা হয়।

আৰক্ষীয়ে ইতিমধ্যে ট্ৰাকৰ চালক আৰু সহায়কজনক গ্ৰেপ্তাৰ কৰিছে। চালকজনে মদ্যপ অৱস্থাত গাড়ী চলাই আছিল নেকি সেয়া স্বাস্থ্য পৰীক্ষাৰ পিছত জনা যাব।

লগতে পঢ়ক: ইৰাক আৰু চিৰিয়াৰ উত্তৰাঞ্চলত কুৰ্দি সন্ত্ৰাসবাদীৰ ঘাটিত তুৰ্কীৰ বিধ্বংসী বিমান আক্ৰমণ

অঞ্চলটোত এক শোকাবহ অৱস্থাৰ সৃষ্টি হৈছে। বিহাৰৰ মুখ্যমন্ত্ৰী নীতিশ কুমাৰে ইতিমধ্যে উচ্চ পৰ্যায়ৰ তদন্তৰ নিৰ্দেশ দিছে। প্ৰধানমন্ত্ৰী নৰেন্দ্ৰ মোদী আৰু ৰাষ্ট্ৰপতি দ্ৰৌপদী মুৰ্মুৱে শোক প্ৰকাশ কৰিছে।

The accident in Vaishali, Bihar is saddening. Condolences to the bereaved families. May the injured recover soon. An ex-gratia of Rs. 2 lakh from PMNRF would be given to the next of kin of each deceased. The injured would be given Rs. 50,000: PM @narendramodi

— PMO India (@PMOIndia) November 20, 2022

প্ৰধানমন্ত্ৰীৰ কাৰ্যালয়ৰ পৰা মৃতকৰ পৰিয়াললৈ ২ লাখ টকা আৰু আহতসকলৰ বাবে ৫০,০০০ টকাৰ ক্ষতিপূৰণ ঘোষণা কৰা হৈছে। আনহাতে, মুখ্যমন্ত্ৰী নীতিশ কুমাৰে মৃতকৰ পৰিয়ালক ৫ লাখ টকাৰ ক্ষতিপূৰণ ঘোষণা কৰিছে।