মোদীৰ ৰাজ্য গুজৰাটত অনুষ্ঠিত হ’ব পাৰে ২০৩৬ চনৰ অলিম্পিক । আপাততঃ তেনে আয়োজনেই চলিছে।ইতিমধ্যে যোৱা বছৰৰ ডিচেম্বৰ মাহত কেন্দ্ৰীয় গৃহ মন্ত্ৰী অমিত শ্বাহ আৰু ক্ৰীড়া মন্ত্ৰী অনুৰাগ ঠাকুৰএটা অধ্যয়ন দাখিলকৰা হৈছিল আৰু সেই প্ৰতিবেদন খনে অনুমোদনো লাভ কৰিছিল। এতিয়া ভাৰতে আন্তৰ্জাতিক অলিম্পিক সমিতিৰ (আইঅ’চি) সৈতে বিষয়টো আলোচনা কৰিবলৈ ওলাইছে। ভাৰতীয় অলিম্পিক সংস্থাৰ নতুন সমিতি গঠনৰ পিছতে সেই আলোচনা কৰা হ’ব বুলি জানিব পৰা গৈছে ।
আহমেদাবাদত ২০৩৬ চনত অলিম্পিক অনুষ্ঠিত কৰাৰ সপোন পূৰণ কৰিবলৈ চৰকাৰী সংস্থা প্ৰাইচ ৱাটাৰ হাউচ কুপাৰচ (পিডব্লিউচি) দায়িত্বও দিয়া হৈছে। আহমেদাবাদ নগৰ উন্নয়ন কৰ্তৃপক্ষই সংস্থাটোক এই কামত নিযুক্ত কৰিছিল। পিডব্লিউচি সংস্ছাটোৱে পেৰিছত ২০২৪ চনৰ অলিম্পিক আয়োজনৰ সৈতে জড়িত হৈ আছে।
সংস্থাটোৱে গুজৰাটত ১৪ বছৰৰ পিছত অলিম্পিক গেমছ আয়োজনৰ উপযুক্ত আন্তঃগাঁথনি বিকশিত কৰাৰ প্ৰতিশ্ৰুতি দিছে। ২০৩৬ চনত অলিম্পিকৰ বাবে আয়োজক চহৰ চূড়ান্ত কৰিবলৈ কোনো নিৰ্দিষ্ট সময়সীমা নাই। ব্ৰিছবেনক যোৱা বছৰ ২০৩২ চনৰ অলিম্পিকৰ বাবে নিৰ্বাচন কৰা হৈছে। ১২ বছৰ পূৰ্বেই এনেদৰে স্থান নিৰ্বাচন কৰা হৈছে। সেয়ে ২০৩৬ চনৰ বাবে আয়োজক চহৰখন ২০২৩-২৪ চনত চূড়ান্ত হোৱাৰ সম্ভাৱনা আছে ।
প্ৰয়োজনীয় উন্নীতকৰণৰ পিছত অলিম্পিক ইভেণ্ট আয়োজন কৰাৰ সম্ভাৱনা থকা ২২ টা স্থান চিনাক্ত কৰা হৈছে। তদুপৰি, চৰ্দাৰ বল্লভভাই পেটেল এনক্লেভ আৰু ইয়াৰ চাৰিওফালৰ এলেকাসমূহক অলিম্পিক পাৰ্ক হিচাপে বিকাশৰ বাবে ৫০০ একৰ এলেকা সংৰক্ষণ কৰাৰ প্ৰস্তাৱ দিয়া হৈছে।
অলিম্পিকৰ সময়ত ১৫,০০০ ৰো অধিক খেলুৱৈ আৰু বিষয়াক ৰাখিবলৈ গেম ভিলেজ হিচাপেও নিৰ্মাণৰ কথাও ভবা হৈছে।সমগ্ৰ প্ৰকল্পটোৰ বাবে ৪,৬০০ কোটি টকা ব্যয় হ’ব বুলি আশা কৰা হৈছে। চৰকাৰে প্ৰকল্পটোত ৩,২০০ কোটি টকা বিনিয়োগ কৰিব বুলি জানিব পৰা গৈছে।
