কুখ্যাত অপৰাধী হৰপ্ৰীত সিঙক দিল্লীৰ ইন্দিৰা গান্ধী আন্তঃৰাষ্ট্ৰীয় বিমান বন্দৰত গ্ৰেপ্তাৰ কৰা হৈছে।২০২১ চনৰ লুধিয়ানা আদালত চৌহদত সংঘটিত হোৱা বিস্ফোৰণৰ গোচৰৰ মূল অভিযুক্ত আছিল হৰপ্ৰীত।
মালয়েছিয়াৰ ৰাজধানী কুৱালালামপুৰৰ পৰা দিল্লী অভিমুখে আহি থকা অৱস্থাত দিল্লী বিমান বন্দৰত আটক কৰা হয় হৰপ্ৰীতক।
লগতে পঢ়ক: দুৰ্ঘটনাত গুৰুতৰভাৱে আহত ‘লুট গেয়ে’ খ্যাত গায়ক জুবিন; হাস্পাতালত ভৰ্তি
বিভিন্ন পাকিস্তানী দুধৰ্ষ উগ্ৰপন্থী সংগঠনৰ লগত জড়িত আছিল অপৰাধী হৰপ্ৰীত সিং। ২০২১চনৰ ২৩ ডিচেম্বৰত লুধিয়ানা আদালত চৌহদত সংঘটিত হোৱা উক্ত বিস্ফোৰণত এজন লোক নিহত হোৱাৰ উপৰিও বহুকেইগৰাকী লোক গুৰুতৰভাৱে আহত হৈছিল।
উল্লেখ্য যে, এই বিস্ফোৰণৰ লগত জড়িত থকাৰ অভিযোগত পঞ্জাৱ আৰক্ষীৰ এগৰাকী কনিষ্টবলকো নিলম্বন কৰা হৈছিল।
