Rahul Chetry surrenders before the Lekhapani police ডিব্ৰুগড় বিশ্ববিদ্যালয়ৰ ৰেগিং কাণ্ডৰ মূল অভিযুক্ত ৰাহুল চেত্ৰীয়ে সোমবাৰে পুৱা তিনিচুকীয়াৰ লেখাপানী আৰক্ষী থানাত আত্মসমৰ্পণ কৰে।
ৰেগিংৰ ঘটনাটো সংঘটিত হোৱাৰ পিছৰে পৰা ৰাহুল চেত্ৰী পলাতক হৈ আছিল। চেত্ৰীৰ বিৰুদ্ধে ডিব্ৰুগড় বিশ্ববিদ্যালয়ৰ কনিষ্ঠ শিক্ষাৰ্থীসকলক জঘন্য ৰেগিঙৰ কাৰ্যকলাপত জড়িত থকাৰ অভিযোগ আছে।
লগতে পঢ়ক: দক্ষিণ-পূব এছিয়াৰ সাতখন দেশৰ লোকশিল্পীৰ সংগমেৰে মুখৰিত দিশপুৰ মহাবিদ্যালয়
ডিব্ৰুগড় বিশ্ববিদ্যালয়ৰ সৰ্বজননিন্দিত ঘটনাটো পোহৰলৈ অহাৰ ৬দিনলৈ চেত্ৰীয়ে আৰক্ষীৰ গ্ৰেপ্তাৰৰ পৰা হাত সাৰি থাকিল। তেওঁ মুঠতে ১১ দিন ধৰি পলাতক হৈ আছিল।
ইপিনে, আনন্দ শৰ্মা নামৰ বিশ্ববিদ্যালয়খনৰ ছাত্ৰগৰাকী হোষ্টেলত জঘন্য ৰেগিঙৰ পৰা হাত সাৰিবলৈ চেষ্টা কৰি ওপৰ মহলাৰ পৰা জপিওৱাত গুৰুতৰভাৱে আঘাত প্ৰাপ্ত হয়। তেওঁ বৰ্তমানো চিকিৎসাধীন হৈ আছে।
লগতে পঢ়ক: গৰুৰ পেটৰ পৰা উদ্ধাৰ ৬৫ কিলোগ্ৰাম প্লাষ্টিক, ধাতুৰ আৱৰ্জনা; হতভম্ব চিকিৎসক
উল্লেখ্য যে ডিব্ৰুগড় বিশ্ববিদ্যালয়ৰ ৰেগিং কাণ্ডত জড়িত থকাৰ অভিযোগত আন এজন অভিযুক্তই ৪ ডিচেম্বৰৰ পুৱা আৰক্ষীৰ সন্মুখত আত্মসমৰ্পণ কৰিছিল। অভিযুক্তজনক কল্যাণ দত্ত বুলি চিনাক্ত কৰা হৈছে। তেওঁক ইতিমধ্যে ন্যায়িক জিম্মালৈ প্ৰেৰণ কৰা হৈছে।