দেশ কঁপাই যোৱা শ্ৰদ্ধা ৱাকাৰ হত্যাকাণ্ডৰ অভিযোগনামাৰ খচৰা প্ৰস্তত কৰিছে দিল্লী আৰক্ষীয়ে। এই অভিযোগনামাত মুঠ ১০০জন লোকক সাক্ষী হিচাপে তালিকাভুক্ত কৰা হৈছে। দিল্লী আৰক্ষীৰ এক সূত্ৰই সংবাদ সংস্থা এএনআইক জনোৱা মতে, অভিযোগনামাৰ এই খচৰাত মূল অভিযুক্ত হৈছে মৃত শ্ৰদ্ধা ৱাকাৰৰ প্ৰেমিক আফতাব আমিন পুনাৱাল্লা।
দিল্লী আৰক্ষীয়ে জনোৱা মতে অভিযোগনামাত ১০০ জন সাক্ষীৰ লগতে বিভিন্ন ফৰেনছিক আৰু বৈদ্যুতিক প্ৰমাণৰ কথাও উল্লেখ আছে। এই সকলোবোৰ তথ্য, প্ৰমাণ আৰু সাক্ষীৰ বক্তব্যৰ ভিত্তিত এই ৩০০০ পৃষ্ঠাৰ অভিযোগনামা প্ৰস্তুত কৰা হৈছে।
যদি সকলো পৰিকল্পনা অনুসৰি হয় তেন্তে চলিত মাহৰ শেষৰ ফালে দিল্লী আৰক্ষীয়ে আদালতত চূড়ান্ত অভিযোগনামা দাখিল কৰিব
আৰক্ষীৰ তদন্তত প্ৰকাশ পাইছে যে যোৱা বছৰৰ ১৮ মে’ত শ্ৰদ্ধাক প্ৰেমিক আফতাবে ডিঙি চেপি হত্যা কৰিছিল। তাৰ পিছত তেওঁ শ্ৰদ্ধাৰ শৰীৰটো ৩৫ টুকুৰা কৰি কাটি কেইবাদিনো ফ্ৰীজত ভৰাই ৰখাৰ পিছত অৰণ্যৰ মাজত পেলাই দিয়া হৈছিল। আৰক্ষীৰ দাবী যে জেৰাৰ সময়ত আফতাবে হত্যাকাণ্ডৰ কথা ইতিমধ্যে স্বীকাৰ কৰিছে। অভিযুক্তৰ নাৰ্কো টেষ্টটো আৰক্ষীয়ে এই স্বীকাৰোক্তি সংগ্ৰহ কৰিছে।
অৱশ্যে এই নাৰ্কো টেষ্ট বা আফতাবে আৰক্ষীৰ জেৰাত সময়ত দিয়া স্বীকাৰোক্তিয়ে আফতাবক দোষী সাব্যস্ত কৰাত বিশেষ সহায় নকৰে বুলি অধিবক্তাসকলে কয়।
আৰক্ষীয়ে অন্য তথ্য আৰু প্ৰমাণৰ সহায়ত আদালতত প্ৰতিষ্ঠা কৰিব লাগিব যে আফতাবে শ্ৰাদ্ধক হত্যা কৰিছে। তেতিয়াহে শ্ৰদ্ধা হত্যাৰ অভিযোগত অভিযুক্ত প্ৰেমিক আফতাব আমিন আনছাৰীক আদালতত দোষী সাব্যস্ত হ’ব হত্যাকাৰী আফতাব।
