কামিহাড় ভাঙিল! গুৰুতৰভাৱে আঘাতপ্ৰাপ্ত অমিতাভ বচ্চন; ‘প্ৰজেক্ট কে’ৰ শ্বুটিঙত ঘটিল অঘটন

পুনৰ আঘাতপ্ৰাপ্ত অমিতাভ বচ্চন! হায়দৰাবাদত তেওঁৰ আহিবলগীয়া ছবি ‘প্ৰজেক্ট কে’ৰ ছেটত দৃশ্যগ্ৰহণ কৰাৰ সময়তে তেওঁ আঘাতপ্ৰাপ্ত হয়।

বলীউডৰ ‘শ্বাহেনশ্বাহে’ নিজেই অনুৰাগীসকলক খবৰটো দিছে। ব্লগত তেওঁ লিখিছে যে তেওঁ আগৰ তুলনাত বহুত ভাল পাইছে। তেওঁ ঘৰতে জিৰণি লৈ আছে।

উল্লেখ্য যে ১৯৭০ ৰ দশকত তেওঁ ‘কুলি’ৰ ছেটত গুৰুতৰভাৱে আঘাতপ্ৰাপ্ত হৈছিল। সেই সময়ত তেওঁৰ জীৱনলৈ সংশয় নামি আহিছিল।

লগতে পঢ়ক: পুত্ৰ-বোৱাৰীৰ ওপৰত বিৰক্ত; যোগ্য নহয় কন্যাও! সমস্ত সম্পত্তি ৰাজ্যপালক দান কৰিলে বৃদ্ধ কৃষকে

তেওঁ ব্লগত লগতে লিখিছিল, “হায়দৰাবাদত ‘প্ৰজেক্ট কে’ৰ দৃশ্যগ্ৰহণৰ সময়ত, একচন দৃশ্যত আঘাতপ্ৰাপ্ত হৈছো।”…কামিহাড়ৰ কাৰ্টিলেজ ভাঙি গৈছে। আৰু সোঁফালে কামিহাড়ৰ পেশী ফাটি গৈছে। বৰ্তমানৰ বাবে দৃশ্যগ্ৰহণ বাতিল কৰা হৈছে। হায়দৰাবাদৰ এআইজি চিকিৎসালয়ত এটা চিটি স্কেন কৰা হৈছে। মই ঘৰলৈ উভতি যাবলৈ ওলালো। ষ্ট্ৰেপিং কৰা হৈছে আৰু বিশ্ৰামৰ পৰামৰ্শ দিয়া হৈছে। শৰীৰত যথেষ্ট বিষ। লৰচৰ আৰু উশাহ-নিশাহত অসুবিধা পাইছো।। চিকিৎসকসকলে কৈছে যে আৰোগ্য হ’বলৈ কেইসপ্তাহমান লাগিব। বিষ কমাবলৈ কিছুমান ঔষধ দিয়া হৈছে।‘’

আঘাতৰ বাবে, বিগ বি-ৰ সকলো কাম বৰ্তমান স্থগিত কৰা হৈছে। জানিব পৰা মতে, তেওঁ সম্পূৰ্ণৰূপে আৰোগ্য হোৱাৰ পিছতহে ছেটলৈ ঘূৰি আহিব। বলীউডৰ সংবাদ মাধ্যমৰ মতে, অমিতাভ বৰ্তমান ‘জলসা’ত জিৰণি ল’ব। ম’বাইলত সকলো যোগাযোগ থাকিব। চিকিৎসকসকলে তেওঁক নিৰন্তৰ বিশ্ৰাম ল’বলৈ পৰামৰ্শ দিছে।

অৱশ্যে, বিগ বি এই ব্যৱস্থাত সুখী নহয়। প্ৰত্যেক ৰাতিপুৱা আৰু সন্ধিয়া অনুৰাগীসকল জলসাৰ গেটৰ সন্মুখত একত্ৰিত হয়। তেওঁ তেওঁলোকক নিয়মীয়াকৈ লগ পায়। এইটো কেইবাদিনো বন্ধ হৈ আছে। ইয়াৰ বাবে মন বেয়া অমিতাভৰ।

লগতে পঢ়ক: Global Warming: দক্ষিণ মেৰু সাগৰত বৰফ গলাৰ ৰেকৰ্ড! ডাঙৰ বিপদৰ আশংকা বিজ্ঞানী মহলৰ

‘প্ৰজেক্ট কে’ সম্পৰ্কে সকলো শ্ৰেণীৰ দৰ্শকৰ মাজত যথেষ্ট আগ্ৰহ আছে। এই বছৰৰ আটাইতকৈ বিগ বাজেটৰ ছবি। অমিতাভৰ উপৰিও ছবিখনত দীপিকা পাডুকন, দিশা পাটানিকে ধৰি আন বহুতে অভিনয় কৰিছে। ছবিখনত অমিতাভক মুখ্য চৰিত্ৰত দেখা যাব।