নীতা মুকেশ আম্বানী সাংস্কৃতিক কেন্দ্ৰ (NMACC)ত অতিথি আপ্যায়নৰ ছবিকলৈ চৰ্চা। যোৱা কেইদিনমানৰ পৰা উদ্বোধনী অনুষ্ঠানক লৈ মুম্বাইত হুলস্থুলীয়া পৰিৱেশ। এই অনুষ্ঠানত বলীউডৰ উপৰিও হলিউডৰ চেলিব্ৰিটিসকলেও অংশগ্ৰহণ কৰে। এই বিশিষ্ট অতিথিসকলৰ বাবেই পৰিবেশন কৰা হৈছিল ৫০০ টকীয়া নোটেৰে সজোৱা মিঠাই।
ছচিয়েল মিডিয়াত বিয়পি পৰিছে এনে কেইখনমান ছবি। দেখা গৈছে যে বগা বাটিটোৰ ওপৰত পাত দি মিঠাই পৰিবেশন কৰা হৈছে। আৰু এই সুমিষ্ট খাদ্যৰ কাষত সজাই ৰখা হৈছে সেউজীয়া পাঁচশ টকীয়া নোট। কিন্তু এই সকলোবোৰ হেনো নকল নোটহে।
দৰাচলতে এই মিঠাইটোৰ নাম ‘দৌলত কি চাট’। আৰু ই দিল্লীৰ এটি জনপ্ৰিয় ষ্ট্ৰীট ফুড। নামত ‘চাট’ শব্দটো থাকিলেও ‘দৌলাত কি চাট’ আচলতে খাদ্যৰ শেষত খাবলৈ মিঠাই হিচাপে ব্যৱহাৰ কৰা হয়। এইটো গাখীৰ আৰু ক্ৰীমেৰে বনোৱা হয়। বহুতে তাত অলপ কেশৰও দিয়ে।
কেৱল ‘দৌলাত কি চাট’ নহয়, নীতা আম্বানীৰ সাংস্কৃতিক কেন্দ্ৰ উদ্বোধন অনুষ্ঠানত অতিথিসকলক আন বহু খাদ্য সম্ভাৰো পৰিবেশন কৰা হয়।
I’m pretty sure it’s daulat ki chaat and that the notes are fake like at the restaurant https://t.co/VBwujoBfMH
— adya (@d_addy_a) April 2, 2023
জানিব পৰা মতে, দেশ-বিদেশৰ পৰা অহা অতিথিসকলক ৰুটি, দাইল, পালক পানীৰ, তৰকাৰী, হালোৱা, পাপাৰ, লাড্ডু আদি বিভিন্ন সুস্বাদু ব্যঞ্জন পৰিবেশন কৰা হৈছিল। অৱশ্যে লগত বাদ পৰা নাছিল সুৰা।
